YOHANES 12:27 - PERJANJIAN BARU NALCA YUBA

²⁷ Wenera nadya ganya soldob menegoka ubnelaʾ anasa, wera hekaʾ ak lebnamna do? Neyung o, nak wene salek or blebnelom henemna de? Orok, al nenesa unuwonunaʾ aboka yeilimsa,” hyok.

YOHANES 12:27 Խաչաձեւ Հղումներ

YOHANES 12:23

Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal.

IBRANI 5:7

Yesus ara anam sokok an ulumok salek era, al nonga somoknaʾ ak ab blebnemoknya Imik Neyung bek, bii aboka engelemookanya, aralenelom aboka mololomok. Wera Imik Neyung ak hyak pe ganya sokok nenebdangoka giblemokaʾ adya, alja molonaʾ era Imik Neyung adya pe kelemok.

YOHANES 13:21

Yesus ban wenyabgogomokaʾ seleb dara, ganya ya weboka, sikenek wenyhusuk, ”Nimi ben hnon ugun gangganek ab, nak yuba dil bininel wenyasinya nera, dib lemna,” hyok.

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

IBRANI 2:14

Ban mab era nim ek ab mab anasa, Yesus anababya sik soʾ dookanya, sik nonga dobok. Anedya al somogokaʾ ara, alda somoknaʾ dub migibaʾ Iblis ak, hmengaʾ nong gebnunaʾ aboka unuwok.

LUKAS 22:44

Yesus ara alda ganya ak nauba igina berewoka gweklemokaʾ anasa, alda hyak ganya dib beiliwoka nauba Imik Neyung ak mololomok. Dara hwin ara eneng anasoʾ anyek sokok sam debom-deboma belega yanggalamok.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

LUKAS 22:53

Lika sobaʾ nara ugunub neikaʾ Imik Neyung ek sam ulumouba bok, ugunda nak ara henga goubnenggunulum. Bok, gunaʾ migib anyek hyak perobaʾ dangoka yeiriwanamla sum geknewalaʾ ara wera ugunda an unul yabalum,” hyok.

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

YOHANES 11:41

Dara, Lazarus diyimek girika jaboka laga beiyimek dara, Yesus adya imik keeb weininggoka, ”Imik Neyung ak, anda nadya molonaʾ kebnelemaʾ anasa, perob aboka gibgen.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 11:26

Ban unusulumaʾ ara, an dam nang orowek perob senelumaʾ adya unulum,” hyok.

MATIUS 26:45

Seleb molobgogowok dara, Yesus ara onoʾ alja yuba doro diriga ban nang ek yeiniboka lebokaʾ ara, ”Ugunda dek-deka soboka or anam malum de? Nimi dibaʾ me nera malya unaʾ nim ek doboka eleganamak salek era, wera seleb oka dalaʾ anyek, kendululum.