YOHANES 11:24 - PERJANJIAN BARU NALCA YUBA

²⁴ Dara, Marta gedya leboknya nera, ”Sidyaʾ daknamla sum, nim embengaʾ bukiyiwanasil sum, albabya embengaʾ suboka buknamlaʾ ara, nara seleb ella ulumna,” hyok.

YOHANES 11:24 Խաչաձեւ Հղումներ

RASUL 24:15

Dara onoʾ, sik Yahudi nang adya Imik Neyung unuwanamla senelemak sok, naba neikik eimik era nimi embengaʾ ulumek ara somogorob nim era suboka embengaʾ buknemak senelamna. Nenyek dara, or perob ok ulumak nanga hnon, malya unaʾ unulumak nanga hnon, unuwanasil ara nara dib senelamna.

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

IBRANI 11:35

Dara nauba nim era, sikja nim era seleb embengaʾ subuka bukuldilimekaʾ anasa, sikda seleb saawoka doro yibik. Bok yok nim ek dara, sikda hyak embengaʾ subnanya perobnya nenyek dobnob senewekaʾ adya, sik nong ara iginaʾ doboka, or pe unaʾ ak dara dobnenggubek.

YOHANES 6:39

Na imik heikek ab bokol yeilinyoknya bedya dara, nak seinilenela ara, alja nak eleklenelnya nera, ben hnonok sirik anababya weininggoka denganaʾ ara mem. Anasa, alda nidyaʾ gobdo sidyaʾ daknamla sum era, embengaʾ bukiyiwosulul, senelenel.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 11:23

Dara, Yesus adya Marta gek, ”Anja dong bera embengaʾ subnamla anyaʾ ”, hyok.