YOHANES 10:10 - PERJANJIAN BARU NALCA YUBA

¹⁰ Hokaʾ donaʾ nimi yalamak dara, hokaʾ dobnun, nim obnun, malya uboka soldob menegonunaʾ aboka yalamak bok, nak dara, embengaʾ unaʾ dibaʾ elegoka, hyak nauba pe ulunokaʾ aboka yeilimsa,” hyok.

YOHANES 10:10 Խաչաձեւ Հղումներ

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 18:11

Anasa nimi dibaʾ me ara weiningdangamek nim ek blebnunaʾ aboka yeilimok!”

MATIUS 21:13

Anya unulumek nim ek an, ”Imik Neyung yuba bukuk sam momnya dobokaʾ ara, Nadya e nera henga uboka Imik Neyung ak molon e alamnamak. Bok ugunja dara, hoga don nim e nenelelum!” hyok.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

MARKUS 11:17

Dara onoʾ Yesus ara anyagan longomek nim ek nekel yabookanya, wenhyokaʾ ara, ”Bukuk momnya dobokaʾ ara, Nadya e nera nidyaʾ mok nim emba heng uboka molonaʾ e henemak aboka momnya dobnenggubuk de? Bok ugunja danyek, malya nang edya murukna oulyanga seleb geblum,” hyok.

LUKAS 19:10

Nimi dibaʾ me ara, weiningdangamoknya nenyek eboka blebnunaʾ aboka yeilimok,” hyok.

YOHANES 10:1

”Nara ugunuk dib lebsin, Nimi ben hnon, domba pama pik yokaʾ ak weknaʾ loboka yok pik gelelenga meknewoka weklelanya bera, alda hokaʾ donanya ulumla.

YOHANES 10:11

”Nara domba pama pe beilinanya dibaʾ ulumna e. Domba pama pe beilinanya dibnya bera, alja nong enyek pam amba somogamnyaʾ anaba senelamla.

YOHANES 12:47

Nara sokok an yana lelelesununaʾ aboka yanggumsa, soko nimi blebsununaʾ aboka yeilimsaʾ anasa, nimi ben hnon heknedya nadya yuba keleladyok pe ununggulumla dara, nara alak yana lelewanggunumna.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

YOHANES 3:17

Imik Neyung alja yando me sokok sam bokol yeilimokaʾ ara, anyagan yana lelelesululaʾ aboka bokol yanggumok bok, alda alja me nedya soko nim ek blebsululaʾ aboka bokol yeilimok.

YOHANES 5:40

ugunda embengaʾ unaʾ dobnob senewoka nak yangganaʾ lek senelelum.

YOHANES 6:33

Imik Neyung adya eleklesil gwaneng dibaʾ ara, imik heik ab yeiniboka soko nim ek embengaʾ unaʾ eleklesilnya bera alan,” hyok.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

ROMA 2:21

Anasa, anda yok nang ek neklesilimnya bera har so do? An dam nang dara, nekeldanggululam de? Anja neklesilimaʾ ara, hokaʾ donaʾ mem aboka neklesilimjok, onoʾ hekasa an nong ara hokaʾ dololam do?

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

IBRANI 6:17

Anasa Imik Neyung adya dara, alja anyek eleganesin aboka lebsuk nim ek ara, nadya lebnaʾ ara hyak dib unuwanamna ok aboka, wera Imik Neyung ara al damnya si sibdangoka lebdok.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.