YAKOBUS 5:16 - PERJANJIAN BARU NALCA YUBA

¹⁶ Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.

YAKOBUS 5:16 Խաչաձեւ Հղումներ

MATIUS 21:22

Anya ugunda al unuwanamlaʾ anyaʾ dib senewoka, ugunja heng uboka mololemnelumaʾ nidyaʾ ara, anera gigiwoka dobnelum,” hyok.

YOHANES 9:31

Imik Neyung ara malya unaʾ nim edya molonaʾ kenggulusil bok, alda pe uboka alja senelamlaʾ ok unulumak nim enyek sikja molonaʾ kelesil.

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 YOHANES 3:22

Dara, hnonda alja yub ek pe keboka unuwoka, onoʾ alja pelemak senewoka ganya sangelesilnya nenyek unulumnamabakanya, nunda yokaʾ-yokaʾ alak moloweibyaʾ ara dobnemabaʾ ok ulumla.

RASUL 19:18

Dara onoʾ nimi nauba Yesus ak men dib senemek nang era, nimi hnoum yeiniboka youmaʾ sikja unulumek malya unaʾ laga lero balamek.

1 TESALONIKA 5:17

Sob-sobaʾ molololulum.

IBRANI 12:13

Anya, geimdilimak nim era oro beibsilyek, alda merewanokaʾ aboka ugun yaban pik era pe meewoka yaralelulum.

1 TESALONIKA 5:25

Na kabo nim o, nunsamba mololesululum.

MATIUS 3:6

Anya, sikja malya unaʾ eib kweboka laga lelemek dara, Yohanes bedya Yordan mek ek dalasuk.

IBRANI 13:18

Dara nunda yokaʾ-yokaʾ ak ara hyak pe unya nenyek senelemabaʾ anasa, wera nusamba leboka hyak sobaʾ heng uboka mololomnesulum. Nenera nunda ella ulumabaʾ ara nunjaʾ mek ganya ek dara, hyak pe ulumabaʾ anasa.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

ROMA 5:19

Anasa, be hnonoknya bedya bleknaʾ edya, nimi gong ara malya unaʾ nang dangamek sok, onoʾ be hnonoknya bedya pe keboka unuwokaʾ adya, neik so nimi gong ara perobaʾ nenelesil.

ROMA 3:10

an wenyaro momnya dobokaʾ ulumla sok, seleb lulum-lulum abmab ara, ”Nimi hnonok sibin anaba, hnon pelemak nim era orok.

IBRANI 11:4

Dara Habel bera, alja ganya dib senenaʾ adya Imik Neyung ak ara Kain bedya giboknya nek ab dara, loboka alda hyak perobnya nenyek elegoka gibok. Wera an pik enyek anyeb uboka, alda alak ara laga lenaʾ dobokaʾ ara alak danyek hyak pebok, anedya Imik Neyung ara alja giboknya nenyek perob senewookanya, alda ganya dib senemokaʾ nong adya, seleb somogomok bok, weneba sobaʾ alda unumok alamak.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

LUKAS 9:6

Dara sikda bilimeekanya, mek-mek heikek sam biniboka, Imik Neyung yuba leb elegoka, yokok-yokok sam nimi nauba hwero yabalesik.

MARKUS 1:5

Nimi nauba Yudea moka pik eb nimi hnon, Yerusalem heikek nimi nidyaʾ hnon Yohanes bedya lelemok yub ek kel balamek. Anya sikja malya unaʾ laga lelemek dara, Yohanes bedya Yordan mek ek meka dalasuk.

RASUL 8:24

Dara Simon bedya, Petrus Yohanes ak, ”Wera ugun penya adya nidyaʾ nak lebnurumnya nera nak unaʾ lobnulul aboka, nasamba Wenelesilnya bek molowonurum,” hyok.