YAKOBUS 3:17 - PERJANJIAN BARU NALCA YUBA

¹⁷ Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

YAKOBUS 3:17 Խաչաձեւ Հղումներ

MATIUS 23:28

Anasa ugunda anaso nim ek ululum. Ugunda hogung adya dara, yok nim ek pe ulumak nim senen bok, ugunja ganya lomok ara sondaʾ hwam ab bleknaʾ mandebnaʾ ab dadya deknenaʾ hwam nim ek ululum,” ara Yesus adya wenyhusuk.

MATIUS 5:8

Nimi geisa ganya boboka ulumak nim era, Imik Neyung bek eibnemak anasa, pe ulumak!

MATIUS 5:9

Nimi yuba sekoka hillilisak nim era, Imik Neyung adya ban ununanya nemba leboka pe laga nadya mabo henesilaʾ anasa, pe ulumak!

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

LUKAS 6:36

Wera anasa, ugunja Imik Neyung ara angoo yadyek senewoka aralesilnya ulumlaʾ anasa, neikek ugumbabya angoo yadyek ganya adya unuldalalulum,” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:47

Yesus adya Natanael oka yokaʾ eibuk dara, wenhyok, ”Israeli nang yokaʾ ara alan. Sondaʾ ara al lomok hyak unggulumla,” hyok.

RASUL 11:24

Ban Barnabas benera, alda Imik Neyung Geisinya adya dib sekoka, alda dib senenaʾ ganya deknewoka uboka, hyak perobnya ulumok. Dara, nimi nauba alsamba leboka Wenelesilnya bek dib senelemek.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

ROMA 12:18

Ban unun ganya era ugunja ganya doboka unulumnelum dara, wera yok nang eb ganya kwebdangoka ulumnelum!

ROMA 12:9

Anasa wanaʾ uldanaʾ ak dara, malye senewoka or-ora unaʾ ara hyak mem! Yu ganya boboka malya unya nera mok nenewoka, perobnya nenyek unulululum.

ROMA 15:14

Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

2 KORINTUS 7:11

Wera ban neik ganya era, al Imik Neyung seinilamla sok, ugunja angoo senewoka soloma dasuknya nedya unusukaʾ anyek, ugunda pe kendenelum! Wera an ganya enyek bolumaʾ adya, ganya goulunaʾ hnon lumaʾ ganya enyek, perobaʾ nenenaʾ hnon, malya unaʾ lek senenaʾ hnon, lok ganya hnon, nunda eibsibya senen ganya hnon, yeirinaʾ ganya hnon, meknelemak nim ek igina nenesinaʾ ganya hnon, ban bololum ganya adya, ugunuk nidyaʾ laga dosuk. Dara unululumaʾ nidyaʾ adya pe memelum beknaʾ ulumla.

2 KORINTUS 9:10

Imik Neyung adya yinaʾ melelanya bemba yinaʾ beiyiwoka, onoʾ den damba gwaneng eleklesilnya bedya, ugunsamba yinaʾ nauba nenewoka, ugunja pe unulumnulumnya nenyek nauba moullilimnesil.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

1 TESALONIKA 2:7

Nunda aldib Kristus adya yuba lenaʾ gak nang ulumabaʾ anasa, aldib ugunuk an yokaʾ-yokaʾ elegosululum aboka molowanasisibya. Bok, nimi gela hnon alja mab ek bojam uboka pe bo ulumla sok, nunda ugun gangganek an ulumouba dara, perob ganya boboka namenaʾ anyek unulusuba.

1 TIMOTIUS 5:21

Nunda Imik Neyung hogung ak ab, Yesus Kristus hogung ak ab, weboka dosuk im lero nang hogung ak sam ulumabakanya, nadya nidyaʾ unuwalom aboka oruklenggenya nera, pe unuwalom aboka orugagen. Nenera na nimi yilaʾ gom, nenera perob lok so nimi gom, senewoka dolbalek asaʾ mek so ununggom. Alda al nidyaʾ nim ek neik so perob ok unululom.

2 TIMOTIUS 2:24

Imik Neyung alja wa welelanya bek dara, waldanaʾ yuba hyak mem. Bok saawoka, alda yok nimi nidyaʾ ak namen ok uboka, yuba pe nekoka, ganya pe siklewoka ululul.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

TITUS 3:2

Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

IBRANI 12:11

Dara aldib, alja nuk wenelesilaʾ ara yokaʾ-yokaʾ sunuwoka ganya eiya dabnaʾ lananggululabok, hnonda ganya oka denaʾ ak lanalamla. Bok eimik dara, alja wenewoka neklesil nim era, ganya namen uboka pe unaʾ dok ak lanalamla.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

YAKOBUS 1:17

Yok-yok perob eleksinaʾ nidyaʾ ara, yok-yok dilinaʾ uyimoknya Imik Neyung adya, imik heikek abaʾ ara dolunglamla. Anya Imik Neyung ara yokaʾ danganaʾ adya, alda yok bokaʾ dangaldinggulumla.

YAKOBUS 1:5

Nimi ben hnon ugun gangganek an mek geremseng ululenya hnon ulumlya dara, Imik Neyung ara, salyaʾ wanggulusilnya bek anasa, heknaʾ uboka, geremseng unaʾ ara nimi nidyaʾ eleklesilnya bek anasa, Imik Neyung ak molowalya dara, alak geremseng eleganemla.

YAKOBUS 2:13

Anasa wera, Imik Neyung ara nim angoo yadyek senen ganya orok bok yana lelelemak nang ek, albabya angoo yadyek senenaʾ loboka yana lelewanesil. Angoo yadyek senewoka arasinaʾ ara hyak migib nong ak ululabok, nimi yana lelenaʾ ak dara, or mek so ak ulumla.

YAKOBUS 2:4

wera ban unululumnya nedya, ugunja malya ganya seiniwoka bera malya senewoka, nimi yilaʾ yana lebdangoka webeldalalum.

YAKOBUS 3:15

Ban lebna geremseng unaʾ era, imik heikek ab yangganggululabok, alda sokok ab hnon, bisaʾ ak ab hnon, nimi ganya dukaʾ adya lanalamla.

YAKOBUS 4:8

Ugunda Imik Neyung berem bumun dara, alda ugun berem yanasil. Ugunda malya unaʾ nim o, ugunja soruk era pe mek elekdolulum! Ugunda ganya penya-penya ululum nim o, ugunja ganya enyek geisa nenebdolulum!

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.

1 PETRUS 2:18

Hemyabo nim ugun yok nimi wa wen nang dangoka ululum nim era, ugunjaʾ neyung yabo wa welelum nim edya yuba hyak nauba pe keboka unulululum. Nera heknaʾ ganya boboka pe unulusak nim ok gom, alda ugunuk yu leboka lelesak nim ek anaba neik so unulululum.

1 YOHANES 3:18

Najabo yab o! Nunda sibamaʾ adyok gom, yuba dem adyok wanaʾ uldanaʾ ara mem. Bok nunda ganya goluwoka dib arawoka, dib aralemab anaʾ ara, nunja dib unulumnamabaʾ adya, wanaʾ uldalamnamab.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.