WAHYU 17:5 - PERJANJIAN BARU NALCA YUBA

⁵ Dara alja asok ok ara, yok si gunuwoka sin si nenyek momnya domek. Ban unu momnya domek si nera, ”Babel heik hyak senenggom nong heik era, nimi sokok an malya dangoka, salyaʾ dongon gelewa sikjaʾ genong genyaʾ!” wenyaboka webemek.

WAHYU 17:5 Խաչաձեւ Հղումներ

WAHYU 14:8

Dara onoʾ penenya lero hnon, men lero ek dolgounul yeindeboka lebokaʾ ara, ”Seleb malyinggil! Ban Babel heik senenggomaʾ ara, seleb malyinggil! Alda yok-yok mok nimi nidyaʾ ak, alja malya ulumokaʾ adya, Imik Neyung ak yu sen-sen anaʾ nenewoka, alja alak igina kwenaʾ ara, onoʾ sikenek nidyaʾ benewosuk ak ara, wera seleb malyinggil,” wenyaboka lebok.

WAHYU 18:2

Dara alda yuba migibaʾ nauba bii aboka, ”Seleb malyinggil! Ban Babel nauba heik era seleb malyinggil! Anya, wenera bisaʾ gong danyeb, yu hwam ganya adya un oulyanga dal. Anya ane lomok an nidyaʾ ab, hyak malya anasa lek senelemak wining gong eb danyek, ulumak.

WAHYU 17:7

Anasa ban lero era nak, ”Anda hekasa omom ganya bololam do? Wera anasa nara anak, ban gel gera, alda hek gel ge ulumlaʾ ara, al yok yu nongaʾ enyek, alak abagamokaʾ ara, huk ara sekbadya ubookanya, bonga sagobadya bogokaʾ anyek, neknenggen.

WAHYU 19:2

Alja yana lelelesilaʾ ara hyak perob ok beknaʾ sunuwoka pe unulusil! Imik Neyung era, sokok an alak salalemek malya unaʾ edya senenggomaʾ malya nenelesuk gel gek seleb igina elegok. Anya, Imik Neyung mab alsamba welemek obsuk nang era, sikja eneng emba dara, Imik Neyung adya gel genyek an seleb dirigok,” wenyaboka lelemek.

WAHYU 16:19

Dara ban naubaʾ soboka ulumek heik era joboka, winilya gebookanya, soko dubuk an nauba solomek heik eneba, soldowoka urub-urub hyok. An unuwok ara, hnonda Imik Neyung ara Babel heik amba, ganya bekokokanya, alsamba Imik Neyung adya yu sen-sen anaʾ anggur mek enyek memewoka elegok.

2 TESALONIKA 2:7

Wenyek dara, nimi malya nenesinaʾ nimi gangganek sam wa ara gelelenga wero yabalamla bok, gunuwoka welemla. Bok al ulumlaʾ ara, soruka salalamlaʾ anyek, gokgobok sam nenewalya dara,

WAHYU 18:21

Wera nen seleb dara, lero be hnon hyak senenggomnya bedya, nauba girik dam e girik enesoʾ ak, dobsalawoka, mek gwanek bobogol yabookanya lebokja, ”Babel heik nauba si sinaʾ heik era, ban anaso unu yeiriwoka boboganamlaʾ adya, hyak gobdo soldowanamlakanya, hnon saawoka eibnenggunumak.

WAHYU 11:8

Dara sikja beʾ era, senenggom heik yabalamak pikek, Sodom, Mesir aboka sunuwoka silimak heikek anyeganyebaʾ ara, sikja Wenelesilnya be oboka glabameijaʾ heikek an beibnemak.

PILIPI 3:19

Ban malya ulumak nim era, sikjaʾ ganya edya nunja nong emba pewosulul senen ganya boboka yeirilemakaʾ anasa, sik nong anaba malya uboka somoganamakaʾ ak ulumak. Sikda sokok an salyaʾ lelem perob dangalalanya nok senewoka seinilimak. Sikenek alya danasusonya nek perob senelemak.

WAHYU 7:3

lelemokja, ”Nunjaʾ Imik Neyung bedya wa wen nang ek, mem an beknaʾ enyek asok ak anam denewanggumeibya bok dara, soko ab mek gwan ab gal donggala nidyaʾ, soldel meneknaʾ ara mem!” alamok.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.

WAHYU 17:1

Wera nen seleb dara, ban sekbadya lero nang era, sekbadya nimi somogollisinaʾ bomek nang era, ben hnon nak yeiniboka, ”Salyaʾ dongolamla gel, mek gong hnoum bulumla gel genyek, hekaʾ huru obnamlaʾ anyek anak amawanenggenaʾ anasa, yalom.

WAHYU 17:2

Sokok an bo uboka wenesin nang era, alak nauba salawoka, onoʾ sokok an ulumak nim era, ban alak salanaʾ ganya edya uu aro yabalamak,” wenyaboka lebnyok.