TITUS 3:7 - PERJANJIAN BARU NALCA YUBA

⁷ Wera alja wanaʾ uboka eleksinaʾ adya, nuk perobaʾ neniyisuukanya, onoʾ nunja dib embengaʾ ulmoubnaʾ damok ara, nunja seiniwoka diri ulumabnya nenyek, dobnamak aboka blebsuk.

TITUS 3:7 Խաչաձեւ Հղումներ

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

ROMA 3:24

bok wanaʾ uboka eleksinaʾ adya, Kristus Yesus pik uboka malya unaʾ ak ab seleb munaʾ dekoka dobsukaʾ adya, or goʾ perobaʾ nenelesil.

TITUS 2:11

Anasa Imik Neyung ara seleb orowek soko nimi nidyaʾ ak, blebsinaʾ damoka bo yalasil wanaʾ unaʾ era, seleb aawosuk.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

TITUS 1:2

Ban nunja dolomab yuba damok enyek sunuwoka, dib embengaʾ ulmoubnaʾ ara or dobnemab senewoka ella ulumab. Imik Neyung ara hyak sondaʾ lenggululanya bek adya, men youmaʾ enyek moruwoka, embeng unaʾ damoka nuk eleganesin, wenyasuk.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

GALATIA 2:16

Anyek babya, nimi perobaʾ nenelamlaʾ ara, unuwanalum an yub unulumakaʾ adya gom, Yesus Kristus ak dib senewoka ganya oloknaʾ adya, perobaʾ nenewousululaʾ aboka dib senemouba. Nimi nidyaʾ ara unuwanalum an yub ununaʾ adya dara, perobaʾ nenenaʾ ara, okna dangalamla.

ROMA 11:6

Bok ban nera wanaʾ uboka eleksinaʾ adyakanya, yok ununaʾ adya gom. Wera anaso unuwanggunumso dara, ban wanaʾ uboka eleksinaʾ ara wanaʾ uboka eleksinaʾ wenyhenggunuseng.

GALATIA 3:29

Dara, ugunda Kristus alja mab ulumun dara, Abraham nang yilaʾ dangoka ululum. Anasa, ugunda Imik Neyung adya Abraham bek eleganesin amokaʾ ak dobnelum nang ek ululum.

ROMA 4:16

Wera anasa, unuwanesin aboka lebokaʾ damok ara, ban ganya aldib senenaʾ anyek sunuwoka unuwok. Anedya, ban unuwok ganya era, wanaʾ uboka eleksinaʾ anyek laga dangalalul aboka ubok. Anedya ban Imik Neyung adya unuwanalum an yub era, sik Yahudi nim ok gom, alda sik nim Abraham bedya dib senemok ganya enyek sunuwoka unulumak nang anaba, sikda nidyaʾ ara, unuwanesin aboka lebokaʾ dobnok aboka unuwok. Wera, anera Abraham bera nunda nidyaʾ hiboka amba, nunjaʾ neyung be ulusil.

ROMA 3:28

Nunja dib senelemabaʾ nong ara, nim ara Yahudi nim emba unuwanalum an yub ek sunuwoka unulamlaʾ adya perob nenenggulusil, alda ganya dib senenaʾ nong adyok perobaʾ nenelesil.

1 PETRUS 3:7

Onoʾ neik so ugun nengmab ak dara, ugunja gelewa ek anaso nim ek ulumla senewoka ella dangoka ulululum. Gelewa ara sikda hmengaʾ yakaʾ ak ulumak senewoka, ugunda sikenek perobaʾ leboka pe unulululum. Ugun nengmab ab neikaʾ Imik Neyung adya embeng unaʾ ara dolomab senewoka sikenek pe unulululum. Wera ugunja molonaʾ era okna dabsilyek anasa, ban nidyaʾ unulululum.

IBRANI 11:9

Wera ganya dib senenaʾ adya, alda Imik Neyung adya eleganenggen amok sokok sam ara, sekel yanggan nang mok soko anasoʾ ak ulumok. Dara anyeganera alda luboka son ek sam ulumok, dara ban hnonok wenyasuk yub en neikaʾ misaʾ dobek nang Ishak beb, Yakub beb danaba, neik so unu ulumek.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

IBRANI 6:17

Anasa Imik Neyung adya dara, alja anyek eleganesin aboka lebsuk nim ek ara, nadya lebnaʾ ara hyak dib unuwanamna ok aboka, wera Imik Neyung ara al damnya si sibdangoka lebdok.

GALATIA 4:7

Anasa, ugunda oruknaʾ wa nang ek anam unggululum bok, alda alja mabo yokaʾ ululum. Ugunda Imik Neyung bedya mab ululumaʾ anasa, Imik Neyung adya alja mab emba aboka beillilesil misaʾ nidyaʾ ara, ugun hnon dobnelum.

ROMA 4:4

Nimi be hnon wa arawoka welemla dara, alda wa webnaʾ amba deknaʾ ara, or salyaʾ perob aboka eleknenggulumak, bok aljinya dangamlaʾ anasa senewoka, sunuwoka eleklemak.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MARKUS 10:17

Wera Yesus ara pikek balamok sab-sab, nimi be hnon bik-bikal yeiniboka, Yesus ak oumuwoka giboka alak, ”Neyung neksinya hyak perobnya o, nara hekaʾ hubnyaʾ adya, dib embengaʾ unaʾ ara dorowanamna do?” wenyaboka heibuk.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.