TITUS 3:2 - PERJANJIAN BARU NALCA YUBA

² Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

TITUS 3:2 Խաչաձեւ Հղումներ

EPESUS 4:31

Malya ganya bobdangoka, nidyaʾ yu ganya ab gogobaʾ ganya boldanaʾ ara mem. Ugunda senenggomaʾ iriri aboka derewoka waldanaʾ ara mem. Benewa malya seneldanaʾ gom, anaso yok malya ganya boldanaʾ era hyak loblulum.

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 PETRUS 3:10

Imik Neyung yuba bukuk sam ara, ”Nimi ben hnon nara pe deregoka uboka, pe ubgiga binimnaʾ ak ara pe ulumnamna senewalenya bera, malya unaʾ yub ara sablyek anasa, sibamaʾ serekdangoka, sondaʾ ara salyaʾ lero yibilyek anasa, pe diri uldalalul.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

YAKOBUS 4:11

Na kabo nim o, ugunda geklewoka waldanaʾ ara hyak mem. Neik yuba dolomak nimi moumen geklewoka wabdangoka, yana lelelanya bera, alda Imik Neyung adya unuwanalum an yub ak geklewoka waboka yana lelelamla. Anya ugunda ban Imik Neyung yub ak yana lelelelum dara, wera ugunda Imik Neyung adya unuwolulum alamla yub ek, ununaʾ loboka, alda yana lelen nimi dangalalum.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

MATIUS 11:29

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

GALATIA 6:1

Hemyabo nang o! Ugun gangganek ara, ben hnon meknemlaʾ ak eibmun dara, ugun Imik Neyung berem ululum nang edya, pe ganya namenaʾ anyek, bera perob pik doro dibnelum. Unuwanalum bok, ugunuk hnon sikbabya malya ubnok senewoka sunuweisilyek anasa, ugumba diri uldalalulum.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

1 TESALONIKA 2:7

Nunda aldib Kristus adya yuba lenaʾ gak nang ulumabaʾ anasa, aldib ugunuk an yokaʾ-yokaʾ elegosululum aboka molowanasisibya. Bok, nimi gela hnon alja mab ek bojam uboka pe bo ulumla sok, nunda ugun gangganek an ulumouba dara, perob ganya boboka namenaʾ anyek unulusuba.

PILIPI 4:5

Wenelesilnya bera mek anam yanalabok anasa, ugun nong anyek perob ganya boboka namenaʾ ulumunaʾ ara, nimi yok nang edya eillilesinokaʾ aboka lebsin.

1 KORINTUS 9:19

Na benyek dara, yok nim edya wa wenya unggulumna, dara nabeyok gobdo ulumna bok, ban unu ulumnaʾ anaba, na nong anyek yok nimi wa wenya neneldalamna. Ban unulunanya nera, anadya nimi nauba Kristus amba doboka bo younunaʾ aboka ulumna.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

RASUL 23:5

Wera Paulus bedya leboka dara, ”Al wenyekaʾ e hemyab o, alda Imik Neyung yuba wa gakaʾ dubnya ulumla ara nara elgom ubman adya salyaʾ lebna. Dara, Imik Neyung yuba bukuk sam momnya dobok ara, Anja sokok yangawoka bo ulusilya nang ek salyaʾ malya nenewoka malya yuba lenaʾ ara mem hyok bok, lebna,” hyok.

YUDAS 1:10

Bok ban malya ulumak nim era, yokaʾ-yokaʾ elgom ulumaknya nek derelemak. Dara sikja ella ulumaknya nera, ganya orokaʾ adya seinilamla sok, gobdo nauba malya ulumak. Wera anadya sik nonga dengabdanamakaʾ ara an.

YUDAS 1:8

Dara, Sodom Gomora heik nimi malya ulumek sok, ban wekel yalamak nimi salyeʾ hwam seinilemak nim enyek, neikso malya ulumak. Sikda sik nong ak malya neneldalamaakanya, bleknaʾ hwam ulumak, imik heik sam geisa perobaʾ ulumlaʾ ak derelemak.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

1 PETRUS 4:4

Wenyek dara, ugunuk ara yuba donaʾ orok nim edya dara, lok anasa ngoluklesak. Nera ugunja youmaʾ nong unaʾ enyek, malya ura un nong unaʾ enyek orokaʾ anyek eililesakaʾ anasa lelesak. Ban nenesa leboka wera ugunuk ara sikja dara walasak.

1 KORINTUS 6:10

Onoʾ hnon, hokaʾ dolomak nim eb, ganya oka delesil nim eb, yu meka deregoka ganya uu alamak nang eb, yok nimi si ak malya nenelemak nim eb, yokaʾ ak menengaʾ amba yaboka ol neblemak nim eb, ban nidyaʾ anaso unulwenelemak nim era, Imik Neyung wenesin heikek ara weknenggunumak.