TITUS 1:8 - PERJANJIAN BARU NALCA YUBA

⁸ Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

TITUS 1:8 Խաչաձեւ Հղումներ

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 3:14

Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.

1 TIMOTIUS 6:11

Bok anak dara, Imik Neyung adya nim ululamaʾ anasa, banyan nidyaʾ lebnanya dara, mok nenewoka pe ululom. Anja dara, perob unaʾ pik balanun, Imik Neyung alja diligaʾ doboka ulunun, dib senen ganya ok bolonun, wanaʾ ganya boboka, ganya siklewoka ulunun, pe namenaʾ ulunun senen ganya ok boboka yeiriwoka dobgiga balalom.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

1 TESALONIKA 2:10

Ugun Kristus ak dib senelum nimi gangganek ara, nunda geisaʾ uboka, hyak pe unuwoka, si gegena ponaʾ loboka, ulumouba. Nunja unu ulumoubnya nera, ugumba seleb eillilisulum, hnonda Imik Neyung anaba ella ulusil.

2 TIMOTIUS 3:3

Sikda yok nim ek wanaʾ unggulumnamak, malya ubgen bar aboka, laga leldanaʾ ara ununggulumnamak, sikda yok nimi si ak, bera malya unululanya aboka malya nenelemnemak. Sikda gasa hwam ok boboka ulumak nimi geknebaʾ ulumnamak. Sikda perob unaʾ ara, hyak lek senelemnemak.

2 TIMOTIUS 2:22

Goubenya nim edya nenyek perob senewoka malya ulumaknya nek, anda mok geboka ululom. Anda Imik Neyung amba ok perob senelamla sunuwoka pe uboka, alak hyak dib senewoka, nim ak wanaʾ uboka, hyak namenaʾ anyek ululom. Perob ganya boboka, Wenelesilnya bek araweisilom aboka, molowoka ulumak nim eblaboka, anaso unu ulululum.

LUKAS 2:25

Dara Yerusalem heikek ara, nimi ben hnon Simeon alameknya bek ulumok. Dara alda Imik Neyung hogung ak ara peboka, geisa ganya boboka ulumookanya, Israeli nim emba ganya gwelelek anaʾ anyek eibnunaʾ aboka, diri ulumok. Anya Imik Neyung Geisinya ara alak arawoka bo ulumok.

RASUL 24:25

Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.