TITUS 1:7 - PERJANJIAN BARU NALCA YUBA

⁷ Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

TITUS 1:7 Խաչաձեւ Հղումներ

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

EPESUS 5:18

Nimi ganya uu aboka serema salalesil mek era nauba den dara, nimi malya nenewoka soldelesilaʾ anasa, mek era ganya uu hesilyek aboka denggom, mem. Bok, ugunja ganya era, Imik Neyung Geisinya adya ok deknewoka bo ulusulul.

1 PETRUS 5:2

Imik Neyung adya ugunuk lebsuk domba pam danyek pe bo ulululum. Imik Neyung adya seinilamla sok sunuwoka, igin ganya bonaʾ loboka, perob ganya boboka beiyiwoka bo ulululum. Wa webnemunaʾ ara deknaʾ anyek dobnun senen ganya boboka wenggom, alda ugun nong adya aldib yok nim emba welemak nang ululumnya nenesa leboka welelulum.

1 PETRUS 4:10

Imik Neyung adya yok-yok eleknaʾ eleklesilaʾ ara, ugumbabya yok-yok sunuwoka webnesomaʾ sunuwoka dolum. Imik Neyung adya eleklesilaʾ doboka welemak nimi beknaʾ ululumaʾ anasa, ugunja webnesomaʾ geknelemla wa nera, yok nim emba webnun senen ganya boboka pe welelulum.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

TITUS 1:5

Nadya anak Kreta sokok sam lo yeilinggesaʾ ara, webnamen ulumla wa nenyek meewoka welelomaʾ aboka sene lo yeilinggesa. Hnonda, heik elaʾ gigiro Imik Neyung e dam nang sikillililomaʾ aboka lo yeilinggesa. Dara onoʾ ban nadya anaso unuwanalam aboka nekgenaʾ banara pe beklom.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

MATIUS 24:45

Dara Yesus ara onoʾ hnon lebokaʾ ara, ”Wera anaso dara, wa arawoka wenya bera, heknyek geremseng uboka pe bojam ulumnamla do? Anedya perob sum dalya dara, wa damnya bedya nim ek denaʾ deb elegosululaʾ aboka, dubnya bera anasonya bek sekiyiwanamla.