TITUS 1:5 - PERJANJIAN BARU NALCA YUBA

⁵ Nadya anak Kreta sokok sam lo yeilinggesaʾ ara, webnamen ulumla wa nenyek meewoka welelomaʾ aboka sene lo yeilinggesa. Hnonda, heik elaʾ gigiro Imik Neyung e dam nang sikillililomaʾ aboka lo yeilinggesa. Dara onoʾ ban nadya anaso unuwanalam aboka nekgenaʾ banara pe beklom.

TITUS 1:5 Խաչաձեւ Հղումներ

RASUL 14:23

Wera nim Imik Neyung yuba dib doboka, yuba sikba yok lebdangoka longolamna heik era, Imik Neyung yuba dam nanga doboka sekiyiwoka ubgiga yalarek. Dara, sikda gwanenga denaʾ loboka heng uboka, sekiyisirek nang ara sikja dib senemek Imik Neyung bek elegoka, ban nang enera anja wa welemnemak anasa, wenyaboka molowoka Imik Neyung yuba e dam nang sekillilisirek.

1 TIMOTIUS 1:3

Nara Makedonia sokok balamsa sum enyek, anak dukaʾ lolowoka anda Epesus heikek ululom aboka lenggesa sok, unuwalom. Nimi sondaʾ anasa bobnenewoka lelesak nang edya malya neneweisijik anasa, anja yuba sekdo anda Epesus heikek ululom.

1 KORINTUS 14:40

Bok, yokaʾ-yokaʾ nidyaʾ ara, ganya dibom anaʾ loboka, pe lelewoka unulumnulum.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

1 KORINTUS 11:34

Denemun sum enyek, nimi hnon gwaneng ok ublya dara, orowek aljaʾ ek ab pe delul. Ban lebnanya nenyek pe unulumun dara, Imik Neyung yuba longowoka bekoka delemunaʾ hmeinggin ara, Imik Neyung adya ugunuk malya uyiwanggunusil. Yok-yok yuba dara, nadya ugunuk yanya sum enyek, anaso-anaso aboka neknesin.

RASUL 27:21

Wera liga wen mabek ara, gwaneng ara hyak gobdo denggumek. Dara Paulus bedya nimi hnoum gangganek sam sekoka lebok ara, ”Hem yab o, ugunda men nadya lemsa yuba kesomokanya, Kreta sokok ab lanawoka yangganaʾ orok dara, unuwoka bonaʾ yokaʾ-yokaʾ nidyaʾ heboka bobogoka unuwanggunusibya bok,” aboka lelemok.

RASUL 27:12

Wera perob mek ekla bunaʾ malamla ak ara perob gom adya, wera anyagan ara, saragenaʾ li dara, kaboka mabdabnenggunumso anasa, wera mek ekla bunaʾ gliboka bolomek nang nauba so edya dara, anyagan ara loboka saragenaʾ li ubnalabok anasa, men Feniks moka binimab senemek. Feniks alamek heik era, Kreta mek dubuk sokok sam uboka, mek ekla bunaʾ bul yalamok mek gemek ara, kemban dabo sam hnon, kemban woru sam hnon ulumok.

RASUL 27:7

Wera Italia moka balamoubuk ab dara, mek ekla bunaʾ ara hyak mandewoka nemen balamouba. Wera hyak oknaʾ ulusuk bok, mabgiga balamoub ara, Knidus mok era ok berem ubok bok, or hnomunga salyaʾ ak byuba. Knidus moka heikek byubuk ab dara, kaboʾ anyek or sobaʾ dolomoknya nenesa, men danyek anyan binimab senemouba pik era binggububa. Bok kaboʾ orok pik binob senebuba dara, Salmone moka yema amoʾ leboka Kreta mek dubuk soko pik byuba.

RASUL 11:30

Dara, seleb bolowoka mamagoka beibek dara, yuba dolomekaʾ dam nang ek bo binirum aboka, Barnabas beb Saulus bebdak orugosik.

KOLOSE 2:5

Wera na nong anaba ugunublaboka neikaʾ unggulumab bok, ganya ak dara, nara ugunub neikaʾ ulumab. Anya ugunja Kristus ak dib senewoka migibaʾ ululum ab, ugunja ganya pe meebdangoka ululum dara, nara eiya dablenel.

RASUL 2:11

Yahudi nimi yokaʾ ab, hnonda Yahudi nimi gom bok, Yahudi nimi yuba domek nang eb, hnon Kreta nim ab, hnonda Arab nim ab bok, Imik Neyung adya alja senenggom migib unulamla anyek, nunja yuba yokaʾ-yokaʾ sunuwoka lelesak adya nunda pe kelemab,” aboka lelemek.

RASUL 27:13

Dara ban salek era, woru sam ab kaboʾ enyek nemen dolomok dara, onoʾ danyek mek ekla bunaʾ bolomek nang edya dara, or pe lanawoka balanob senemek. Wera igin yakaʾ dolinglemakaʾ ara glibsalawoka seleb gwanewoka doro beiyiwoka, Kreta moka gek sam ok dobgiga balamouba.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

TITUS 1:12

Sik moumen al Kreta sokok ab ununumnaʾ lelemoknya bedya seleb lebokaʾ ara, ”Kreta nim era, yu hwam ok bei gam anaso uboka, gwanenga orok nenewoka deregoka onoʾ sulmalyaʾ ulumaakanya, sobaʾ sondaʾ hwam ok lelemak nim ulumak,” hyok.