TITUS 1:2 - PERJANJIAN BARU NALCA YUBA

² Ban nunja dolomab yuba damok enyek sunuwoka, dib embengaʾ ulmoubnaʾ ara or dobnemab senewoka ella ulumab. Imik Neyung ara hyak sondaʾ lenggululanya bek adya, men youmaʾ enyek moruwoka, embeng unaʾ damoka nuk eleganesin, wenyasuk.

TITUS 1:2 Խաչաձեւ Հղումներ

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

MARKUS 10:17

Wera Yesus ara pikek balamok sab-sab, nimi be hnon bik-bikal yeiniboka, Yesus ak oumuwoka giboka alak, ”Neyung neksinya hyak perobnya o, nara hekaʾ hubnyaʾ adya, dib embengaʾ unaʾ ara dorowanamna do?” wenyaboka heibuk.

MARKUS 10:30

benera ban wene salek eneba onsok lunuwoka, Imik Neyung adya eleklamlaʾ ara, denga sal-salyaʾ anyek, denga yubaʾ dombadya anaso, ek nimi gom, weisabo gom, alja hmal gelewa gom, alja genong gom, alja mabo gom, alja gwaneng wa gom, anya igin kwenaʾ anaba, dolomla. Anya onoʾ eimik sidyaʾ daknamla sum eneba, bera hyak dib embengaʾ ulmoubnaʾ dobnamla.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

YOHANES 6:54

Heknedya nadya nong soub ab, nadya eneng eb, delenya bera, embengaʾ unaʾ seleb ulumlakanya, sidyaʾ daknamla sum era alak nadya bukoka sekiyiwanamna.

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

RASUL 15:18

Imik Neyung adya, men youmaʾ enyek, ban orowek lemoknya bedya ban wenyalamla,” hyok.

ROMA 1:2

Ban aljaʾ perob lero yanggan yub era, alja ununumnaʾ lelemek nang, men sik pik uboka geisa Imik Neyung yuba momnya dobokaʾ lomok wenyalasuk.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

ROMA 5:4

Dara ganya goulunaʾ ak ab dara, ganya siklebdaboka unaʾ damoka lanalamla. Anya, ganya siklebdaboka unaʾ ak ab dara, ganya wenaʾ damok lanalamla.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.

1 TESALONIKA 5:8

Bok, nunda dilinaʾ mab silibaʾ ulumabaʾ anasa, nunda pe diri ubdangoka, dib senen ganya ab, wanaʾ un ganya ab, seng anasoʾ enegoka, dib blebnesil senen ganya adya huk golubdangoka ulumnemab.

1 TIMOTIUS 6:12

Anda Imik Neyung yuba donaʾ amba nimi mala yeiriwoka oldalamak sok, yeiriwoka amba unu welelom. Anda men danyek, nara yuba dib dobna aboka nimi nauba longomekaʾ gangganek ab pe laga lelumaʾ anasa, Imik Neyung adya anak youbunjokaʾ anasa, embengaʾ ulmoubnaʾ pik enyek salabmoublom.

1 TIMOTIUS 6:19

Wera sikda ban nenyek unulumeijaʾ adya, eimik danasa orowek munaʾ gobdo dobnemab senewoka sunuwoka beilimeijaʾ ara, an. Wera ban adya, sikda hyak dib embengaʾ ulmoubnaʾ ara dib dobnemak.

2 TIMOTIUS 1:1

Nara Paulus bedya, nadya wanaʾ nong ulunggen me, najabo Timotius anak ban momnya donaʾ era weboka beibgen. Nara Imik Neyung adya seiniwoka donyokaʾ adya, Yesus Kristus bedya yuba lenaʾ gaknya uboka, Yesus Kristus lomok nim embengaʾ ulumnamak amok yuba lero yabalamna.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

2 TIMOTIUS 2:13

Nunda alak pe bojam unggulumeibya bok, alda al damnya dara, malya neneldanggululanya bek anasa, alda nuk pe bojam ulmorulumnesil.”

2 TIMOTIUS 2:15

Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

TITUS 3:7

Wera alja wanaʾ uboka eleksinaʾ adya, nuk perobaʾ neniyisuukanya, onoʾ nunja dib embengaʾ ulmoubnaʾ damok ara, nunja seiniwoka diri ulumabnya nenyek, dobnamak aboka blebsuk.

1 YOHANES 2:25

Anya wera, al ban damok enyek, Imik Neyung adyaʾ anaba orowek nuk seleb eleganesin husukaʾ ara, dib embengaʾ ulmoubnaʾ damok ak eleganesin, hyok.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

YUDAS 1:21

Ugunja Wenelesilnya Yesus Kristus adya gouluwom aboka angoo yadyek senewoka arasinaʾ anadya uboka, dib embengaʾ ulmoubnaʾ anyek, ganya weboka diri ulumunukanya, Imik Neyung adya wanaʾ ulusilaʾ lomok sam sobaʾ ulumnelum aboka, pe kemero ulululum.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 17:8

Ban yok yu nongaʾ eiblamaʾ ara, men dara ulumok bok, wenera unggulumla. Bok, alda somoknaʾ gweren selengaʾ lomok ab gobnamlakanya, onoʾ somoknaʾ ak sam binimla. Soko an anam uyiwanggom enyek, sikja si embengaʾ un buku lomok momnya dobnenggubsuk nim era, ban yokaʾ yu nongaʾ ara, men ulumok bok dengamokaʾ ara, onoʾ lanawanamlaʾ anyek eibnemak dara, hyak lokja senewoka ganya omom uboka loka dabnesil.