ROMA 9:20 - PERJANJIAN BARU NALCA YUBA

²⁰ Wei, nim o, anda heknya do, anedya Imik Neyung ak sondaʾ anasa mel-mel alalam do? Wera uyiwoknya bedya al uyiwoknya bek, ”Anda hekasa nak an uyiwonulum do?” wenyhenemso de?

ROMA 9:20 Խաչաձեւ Հղումներ

MATIUS 20:15

Nadya bonaʾ ek gom anaba unuwanamna senewanasinyaʾ ok unuwanasinya goma? Nak heknaʾ nong anasa, anda solom ganya bobnesom gom, wenyamok,” hyok.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

1 KORINTUS 1:20

Geremseng nimi dibaʾ ara hanyagar ulumak do? Sokok an yuba neksin nang dibaʾ ara, har sam ulumak do? Imik Neyung adya sokok anyagan geremseng ulumakaʾ ara, orok nenemokaʾ anano?

YAKOBUS 2:20

Ugunda hyak dongdang anaʾ hwam nim ek ululum! Ugunja dara nimi yuba dib senenaʾ orokjok, pe ununaʾ ok unulumak anyek nuk aaweisiseng senelelum de?

TITUS 2:9

Wa arawoka welemak nang ek dara, sik wa welemak ek nim edya yuba pe keboka, sikenek eiya dabsululaʾ aboka, pe unulunok. Wa unu welemab bok anasa, anyek elegosuso aboka youmburaʾ debnaʾ ab, yok-yok saawoka lenaʾ ara mem.

ROMA 2:1

Wera anasa nim o, or anda heknyeneba, anda yok nang ek yana lelelelam bok, ambabya meknenaʾ ak ab goʾ unggululam. Anda yok nim ek yana lelelesilimnya beneba, al neiknya nenyek ambabya unululamaʾ anasa, anda yok nim ek yana lelelesilim salek era, wera an dam nang ak yana leleldalalam.

1 KORINTUS 7:16

Ugun Imik Neyung yuba dololum gelewa edya dara, anja dara, nadya nenya era, Imik Neyung ak bleboka bo yanamna gom, orok gom ara, ugunda elgom ululum. Anasa onoʾ, ugun Imik Neyung yuba dololum nengmab edya dara, neikik nadya gel gera bleboka bo yanamna gom, orok gom ara, ugunda elgom ululum.

LUKAS 12:14

Yesus adya benyek an lebokaʾ ara, ”Hem o, heknedya nak ara yana lelesinya sekiyiwanyok goma, ugunjaʾ neyung bedya misaʾ boksinaʾ amba sekiyiwanyek gom?” hyok.

ROMA 2:3

Wera anda nim o, anda sikenek anaso unulumak nang ek yana lelelesilim bok, anaso ununaʾ era ambabya unululamaʾ anasa, anja dara nara Imik Neyung adya igina eleklesilaʾ ak ara, merewanesom de?

ROMA 9:21

Dara go soko adya yok-yok bonaʾ memelanya bera, ban neik go soko winirobaʾ enedya perobaʾ ak senesonya nera nen memewoka, ono yoknya nera or sobnya memewanamna senesonya nera nen memelamla dara, anadya alda meknelemla heneseng de?

ROMA 9:22

Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla.

ROMA 14:4

Anda heknedya, wera nimi yoknya bedya wa wenya benyek yana lelelelam do? Alda malyingginimlaʾ gom, alda or seklemnamlaʾ gom ara, nera alja neyung bedya memewanamla. Bok Imik Neyung adya memewoka bo ulumnamla anasa, alda sobaʾ seklemnamla ok.

2 TIMOTIUS 2:20

Hyak senenggomaʾ somna ek ara, yok-yok bonaʾ beilinaʾ ara, nauba ulumla. Wera bonaʾ beilinaʾ ara, hnonda dangman meilik yubaʾ adya memelemak dara, hnonda gal adya gom, soko adya gom, mememnaʾ ak ulumla. Dara beilinaʾ ara, hnonda hyak pero-pero senenggom bonaʾ enesa ulumla dara, hnonda dom digum so bonaʾ danasa ulumla.