ROMA 8:7 - PERJANJIAN BARU NALCA YUBA

⁷ Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

ROMA 8:7 Խաչաձեւ Հղումներ

MATIUS 12:34

Ugunda malya unaʾ hwam nim ek ululumaʾ anasa, ugunda malya unaʾ nim ululum bok dara, perob yuba goboka sabnesom de? Sibamaʾ ak ab laga salamakaʾ ara, ganya lomok sam seleb ulumlaʾ ara an.

MATIUS 5:19

Anasa wera, heknedya ban momnya dobok yuba danyek, hnonok mekaʾ sibin bleklamla dara, anya yok nim ek ugumba anaso unuwolulum aboka wenelesil dara, bera Imik Neyung wenesin heikek ara hyak mek nongnya danamla. Bok alda heknedya yok nim ek anaso unuwanalum aboka nim ak neklesil dara, Imik Neyung wenesin heikek sam senenggomnya danamla.

YOHANES 7:7

Soko nim edya dara, ugunuk ara lek senenggulusak bok, nak dara, sikja unulumakaʾ anyek, malyaʾ aboka pyagaʾ geblamnaʾ anasa, sikda nak lek senelenyak.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 1:30

Anasa ban sik nong ara, sondaʾ minin nang, nimi deresin nang, Imik Neyung ak lek senenaʾ nang, malya unun nang, ganya imik neneldan nang, kebom-keboma meren nang, yu ununaʾ ak ganya hwibmouboka unun nang, nauba nim ek blekna nang,

ROMA 3:31

Wera an unuwanasil dara, nunda ban ganya dib senenaʾ anasa leboka, Yahudi nim emba unuwanalum an yub ara orok nenelemab de? Hyak mem! Alda anyek, hyak pe migibaʾ geboka unulumab.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

ROMA 7:22

Anara nadyaʾ ganya lomok ara, Imik Neyung adya unuwanalum an yub enyek hyak perob senelamna adya.

ROMA 8:4

Nera, unuwanalum an yub adya anyek-anyek unulumnelum alamokaʾ anyek, nimi ganya ak sunuwoka unulumak nang ek gom, alda Geisinya bedya ganya ak sunuwoka unulumak nang ek gigiwolul aboka an unuwok.

1 KORINTUS 2:14

Dara, nim Imik Neyung Geisinya unggululanya bera, Geisinya adya eleklesilaʾ ara, donggulumla. Alda eleklesilaʾ anyek, dolbalek so senelamla. Dara, ban nenera Imik Neyung Geisinya adya ok damok ara ban senewoka ella dangalamak anasa, albeyok ella damenggom ulumla.

1 KORINTUS 9:21

Dara onoʾ Yahudi gom nim ek anaba, sikenek nara Yahudi gom nim eneso uro yabalamna. Al ban unulamnaʾ anaba, sik nong anyek Musa bedya unuwanalum an yub era, loboka salyaʾ beiyik ulumak bok, sikenek hnon Kristus ak diriga ban nimi danok senewoka, uro yabalamna. Ban unulunanya nera nak momnya dobok yub ek dib senenaʾ orok adya ulumna gomaʾ. Alda nara Kristus yub ak dara, anam ganya goluwoka unulamna.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

2 TIMOTIUS 3:4

Sikda yuba bo dil banaʾ ak perob senelemnemak, sikda imik nenebdangoka, ganya mok seinil banggulumnamak. Sikda Imik Neyung ak wanaʾ unya nera loboka, sokok an ununaʾ anyek wanaʾ nong ulumnamak.

IBRANI 8:10

Ban wenyhesa salek en seleb dara, ban wenyek Israeli nim eb wenyaldanaʾ yub eleganesin. Nadyaʾ anaso unubdanamab an yub era, sikjaʾ ganya seininaʾ ak doronggoka, momnya dobnesin. Dara na nong ara, sikjaʾ Imik Neyung danamna dara, sik nong ara nadya mabo yokaʾ danamak.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.