ROMA 8:38 - PERJANJIAN BARU NALCA YUBA

³⁸ Anasa nadya dib senelamnaʾ ara, or somoknaʾ embengaʾ, lero nang gong, bisaʾ wenesin dub nang, or wen ulumlaʾ eimik lanawanamlaʾ,

ROMA 8:38 Խաչաձեւ Հղումներ

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

ROMA 14:8

Anasa nunda embengaʾ ulumab dara, Imik Neyung amba ulumab. Anya nunda somoganamab dara, onoʾ Imik Neyung amba somoganamab. Wera anasa, embengaʾ unaʾ gom, somoknaʾ gom, nidyaʾ ara nunda Imik Neyung aljinya ulumab.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

KOLOSE 1:16

Yokaʾ-yokaʾ imik heik ulumlaʾ ab, sokok an ulumlaʾ ab dara, al pik ab uyiwok. Wera laka ulumlaʾ laka unggulumlaʾ, dubnya unaʾ, wenewoka oruksinaʾ, wenewoka bo usinaʾ, senenggom dub unaʾ, ban nidyaʾ ara, al pik ab uyiwok. Anasa, yokaʾ-yokaʾ nidyaʾ ara, al pik ab uyiwookanya alsamba, nera alsamba uyiwok.

KOLOSE 2:15

Ban onaʾ gal pik uboka dara, wenewoka bo usinaʾ, senenggom dub unaʾ ab dara, seleb alja alawoka dobok. Anya ban unuwoka oblamagousuk ara, sikenek salyaʾ longowoka ngouluknaʾ dok.

EPESUS 1:21

Wenewoka bo usinaʾ gom, senenggom dub unaʾ gom, yok-yok migibaʾ gom, wenewoka oruksinaʾ gom, nidyaʾ yok-yok si sinaʾ dub unaʾ gom, wene salek gom, eimik yanamla salek gom, nidyaʾ migib era mek bok, Kristus ak Imik Neyung adya elegok migib era, hyak senenggomaʾ lok soʾ ak elegok.

2 KORINTUS 4:13

Imik Neyung yuba bukuk sam ara, ”Nara dib senemsaʾ anasa, nara yuba lemsa,” alamla. Wera an unu neik ganya bolomabaʾ adya, nunda dib senelemabaʾ anasa, wenyaboka lelemab.

ROMA 4:21

Imik Neyung si imik nenewoka, hyak aldib senelemokaʾ ara, Imik Neyung ara alja or hekaʾ ok unuwanamna amnaʾ ara, al migib adya gigiwoka unululanya senelemok.

2 KORINTUS 11:14

Bisaʾ dubnya Satan anaba, dilinaʾ lero ulumla henokaʾ aboka samal meneklamla sok, sikba sondaʾ anasa yuba len nang abdangoka samal meneklemak dara, loka dabnenggunususo.

IBRANI 11:13

Dara ban ganya dib senelemek nimi nidyaʾ ara sikda ban perobaʾ eleganasin amokaʾ ara dobnenggubek. Banera mok ab eiyiwoka dobnob senemek bok, dobnenggubek. Anya sikda aldib sokok anera yok mok soko nim enesoʾ uboka sekel yanggan nang ulumek.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 14:7

Nenera banasa, nimi be hnon nu gangganek ara, al damnya amba ok ululanya bera hnon unggulumla. Dara onoʾ nimi be hnon al damnya amba ok somoklelanya bera hnon unggulumla.

1 KORINTUS 15:24

Dara, hyak dakalongnaʾ nong sum yanamla. Ban sum enyek, Kristus adya wenewoka bo usinaʾ eb, yok-yok senenggom dub unaʾ ab, yok-yok migibaʾ ab dara, sokok nenewanamla. Dara nidyaʾ migib gong danara, Kristus adya doblyekanya, nunja neyung Imik Neyung bek elegoka lebnamla.