ROMA 8:29 - PERJANJIAN BARU NALCA YUBA

²⁹ Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

ROMA 8:29 Խաչաձեւ Հղումներ

EPESUS 1:11

Imik Neyung ara yok-yok wa nidyaʾ welemlaʾ ara, unuwanamna wenyananya nok sunuwoka unulamla. Dara wera, Imik Neyung adya, hyak youmaʾ nong enyek nuk orowek weboka dobsuk. Anadya, Kristus pik uboka nunda Imik Neyung misaʾ seleb domouba.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

1 PETRUS 1:20

Imik Neyung ara soko anam uyiwanggom bok, Kristus ak men weboka doboka sekiyimok. Wera mok soko sidyaʾ daknamla salek enera, ugunuk blebsununaʾ aboka sokok sam yeilimok.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

1 KORINTUS 15:49

Nunda wenera, soko adya uyimoknya Adam bedya hogung enesoʾ ak ulumab sok, eimik era, nunda imik ab sam yeilimoknya bedya hogung enesoʾ ak ulumnemab.

ROMA 9:23

Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

ROMA 11:2

Imik Neyung ara alja weboka dosuk nim era lek aboka yaknenggubsuk. Goma, Elia bera alda Israeli nim emba leboka Imik Neyung ak anaso unulumak al bilimokaʾ Imik Neyung yuba momnya dobokaʾ ak sam momnya dobokaʾ ara, ugunda elgom ululum de?

YOHANES 17:16

Naba sokok anyebnya unggulumna sok, sikbabya sokok anyeb nang unggulumak.

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

EPESUS 4:24

Anya, wenyok uldilisil nong unaʾ era, Imik Neyung ara hyak perob ok uboka, geisa ulumla sok ulumla nong unaʾ enyek, anasoʾ anyek unura ulunobaʾ aboka doblum.

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

YOHANES 17:26

Neyung, anja ululamnya nera, sikenek seleb leb elegoka amesisa. Dara eimik eneba, nera sobaʾ unubdibiganamna. Wera anja wanaʾ elegonulumaʾ ara, sikja ganya ek sam sobaʾ ulumlyekanya, nara sikja ganya lomok ulumnesin aboka unulumnamna,” hyok.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

MATIUS 7:23

Bok nadya sikenek lebnesinaʾ ara, Ugunda naba elgom ulusin nim. Ugunda malya unaʾ ok ululum nim o, nak abaʾ ara men bululum! henemna,” hyok.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 28:10

Wenyek Yesus ara sikenek, ”Ugunda lok ganya bonaʾ mem. Sikda nak eibnenyakaʾ anasa, na kabo nang era Galilea sokok binokaʾ aboka, wenyal bulululum,” hyok.

1 KORINTUS 8:3

Bok, Imik Neyung ak ganya ologoka wanaʾ ululanya bera, Imik Neyung adya alak ella ulumla.