ROMA 8:1 - PERJANJIAN BARU NALCA YUBA

¹ Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:1 Խաչաձեւ Հղումներ

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

YOHANES 15:4

Ugunda nablaboka kwebdangoka ulumnamab dara, nara ugunub kwebdangoka ulumnamab. Gal soruk ara albeyok doka moubnenggunumso bok, gal nong ok ulumso dara, moubnamso. Anasonya neikik, ugunda nablaboka kwebdangoka unggulumnesibya dara, doka mounggulumnusom.

PILIPI 3:9

Anya aldib nara Kristus lomok ulunun senewoka unumsa. Nara Imik Neyung ak ganya kwebdonumaʾ ara, nadya ganya doboka nim adya unuwanalum an yub eboka dobnenggubsa. Wera nara Imik Neyung ab perobaʾ lebdangoka ulunamaʾ ara, nara Kristus ak dib senemsaʾ adya ulumna. Anasa ban unu Imik Neyung ab kwebdangoka jong ulumak unaʾ era, Yesus Kristus ak dib senelemakaʾ nong adya ok dangalamla.

ROMA 8:14

Dara, nimi nidyaʾ Imik Neyung Geisinya adya arawoka bo ulusil nang era, wera Imik Neyung bedya mab era al an.

1 KORINTUS 15:22

Nimi nidyaʾ ara, Adam beblaboka neikaʾ ak hiboka ulumek adya somoklemak sok, neik so weneba Kristus ablaboka neikaʾ himekaʾ adya, embengaʾ bukiyiwanesil.

GALATIA 5:16

Nadya an wenyhenya nera, ugunja unaʾ era Imik Neyung Geisinya adya bo ulusilyaʾ dara, ugunja malya unaʾ hwam ok unulusinya pika dilira dobnenggulumnulum.

ROMA 8:4

Nera, unuwanalum an yub adya anyek-anyek unulumnelum alamokaʾ anyek, nimi ganya ak sunuwoka unulumak nang ek gom, alda Geisinya bedya ganya ak sunuwoka unulumak nang ek gigiwolul aboka an unuwok.

ROMA 8:39

or yok-yok migib damok, imik ulumlaʾ, damumduk ululanya gom, or yok embengaʾ ulumla digum, ban nidyaʾ anedya, nunda Imik Neyung adya wanaʾ usinaʾ ak ab, nunja Wenelesilnya Yesus Kristus ak ulumlaʾ an, ara ane digum adya douluwoka bok meneganggunusil.

GALATIA 5:25

Imik Neyung Geisinya adya nuk embengaʾ wenyek unaʾ era elegosuk dara, wera nunja nong unaʾ eneba Geisinya adya goluwoka bo ulusilaʾ adya unulumnemab.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

ROMA 7:20

Wera anasa, nadya lek senenanya nenyek unulamna dara, anera nadya ununggulunabok, alda na lomok ulumla malya unaʾ enedya unulamla.

ROMA 7:17

Wera anaso dara, na nong adya ununggulunabok, alda na lomok ulumla malya unaʾ edya unulamla.

2 KORINTUS 12:2

Nimi yuba donya ben hnon, Kristus adya imik heikek hyak imik sam do welewok salek era, wera gibnaʾ meija dubukaʾ badya lemok danyekaʾ ak, ella ulumna. Alja nong gekman dobok gom, or lendara ak gom ara, dibaʾ orokaʾ ara Imik Neyung ok ella ulumla. Do welewoknya bera imik heikek denewaʾ winilyaʾ ak welewok.

ROMA 16:7

Na anam yuba dobnenggom enyek, Kristus lomok yub lenaʾ gak nang gangganek ara si sinaʾ nang uluraakanya, nadyaʾ hemyabo neik mok soko nang, nablaboka neika henga gouboka doronggosikaʾ Andronikus beb, Yunias beb, siksamba hnon gibsin.

ROMA 16:3

Nadya perob aboka, nadyaʾ hemyab Yesus Kristus pik neikaʾ welemab nim, Priskila, Akwila ak, an sikenek gibsin yub enyek, unu wenyaboka gibisil henelum.

ROMA 5:16

Dara onoʾ, hnonok meknenaʾ amba yana lelen dara, igina kweboka donaʾ an seleb lanawok. Bok meknenaʾ gong amba leboka perob eleknaʾ elegousukaʾ ara perob nenesinaʾ an lanawokaʾ anasa, hnonoknya bedya meknenaʾ adya dangamoknya nera, ban Imik Neyung adya perob eleknaʾ eb dara, domdigum danganggulumla.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,