ROMA 7:15 - PERJANJIAN BARU NALCA YUBA

¹⁵ Anasa nadya unuwanamna senenanya nenyek dara, nara ununggulumna, bok nadya lek senenanya nenyek, nara unulamna. Dara, hekasa anaso unulamlaʾ ara, nab okoka elgom ulumna.

ROMA 7:15 Խաչաձեւ Հղումներ

GALATIA 5:17

Nim adya ganya era, Geisinya ab dara, gangganaʾ gogoldalarak. Dara, Geisinya adya unuwonun senelelanya neb, nimi ganya adya unuwonun senelemaknya neb dara, yok-yok ulumla. Sikja ganya seininaʾ ara yok-yok seinilirakaʾ adya, ugunja unuwanamna senenanya nera ununggululum.

YAKOBUS 3:2

Nunda nidyaʾ, hnon sum era malya ulumab. Bok alda yuba sanaʾ adya malya unaʾ hnon unggululanya bera, alda pe ganya kaboka ulumlakanya, al nonga nidyaʾ pe diri uldalamnamso.

ROMA 12:9

Anasa wanaʾ uldanaʾ ak dara, malye senewoka or-ora unaʾ ara hyak mem! Yu ganya boboka malya unya nera mok nenewoka, perobnya nenyek unulululum.

YUDAS 1:23

Yok nim ek, uk ab ugunja salawoka gliboka perob pik dil yalalulum. Onoʾ yok nim ek ara, sikenek angoo yadyek senen ganya bobmunjok, onoʾ lok ganya boboka, sikja ongon akleng eneba malya unaʾ seininaʾ hwam adya sembejaʾ nenemekaʾ ak lek senemunjok, blebsululum.

ROMA 14:22

Anda an nong anasa leboka, anja dib senelelam ganya enyek Imik Neyung saramek salabmouboka ululom. Be hnon ban nera perobnya nenyaʾ or unuwounun senewoka al nonga yana leleldanggululanya bera, alda pe ulumla.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

IBRANI 1:9

Bleknaʾ hwam unaʾ ara lek senen ganya boboka perob jong unaʾ wanaʾ nong ululamaʾ anasa, Imik Neyung adya, anjaʾ neyung Imik Neyung adya dara, anjaʾ hemyab era mek so bok, anak weboka dobjookanya, ei-ei ganya bonaʾ anyek anak nauba elegajok,” hyok.

ROMA 7:16

Wera anasa nadya unuwanggunumna senenanya nenyek unulamna dara, anedya nara ban unuwanalum an yub ara perobaʾ anyaʾ alamna.

LUKAS 11:48

Wera anara ugunjaʾ neyung yaba youmaʾ nim edya umeknya nenyek ugumba perob alalumukanya, anara unululum; anasa ugunja neyung yabo youmaʾ nim edya sik nong ara omek dara, ugunja dara, sikjaʾ beʾ gala memelelum.

YOHANES 15:15

”Wa wenya bera alja neyung bedya unulamlaʾ ara elgom ulumlaʾ anasa, wene salek ebaʾ ara, eimik ugunuk wa wen nang wenyhenggunusin. Bok, onoʾ saaboka nadyaʾ neyung bek ab kemsa yub ugunuk nidyaʾ laga lemsaʾ anasa, ugunuk nadya hemyab alamnesin.