ROMA 6:22 - PERJANJIAN BARU NALCA YUBA

²² Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

ROMA 6:22 Խաչաձեւ Հղումներ

1 PETRUS 2:16

Ugun nong ara seleb numba yok sekuba nimi geknewaʾ anaso ulululum, bok ugun sekiyiwosukaʾ ak dara, malya unaʾ lomok hnon siklewoka unaʾ ara loboka, Imik Neyung adya wa wen nang beknaʾ ulululum.

ROMA 6:18

Ugunda malya unaʾ ak ab seleb lob lobsuukanya, pe unaʾ adya wa wen nang dangalum.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

YOHANES 8:32

Ban nenyek dib unulumun dara, aldib ugunda hekab-hekab dib ulumlaʾ ara ella danalumukanya, ban dib unaʾ enedya ugunuk gobdo lob lobnesil,” hyok.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

1 KORINTUS 7:22

Nimi ben hnon, oruknanya bek bok, Wenelesilnya bedya youbomok bok dara, wenera alda Wenelesilnya bedya gloʾanya dangalamla. Bok, youbomok sum enyek, gloʾanya ulumok bok dara, alda Kristus adya wa wenya dangalamla.

1 PETRUS 1:9

Dara, ugunja yuba dib senenaʾ nong anyek gigiwoka pelesilaʾ adya, wera ugunja ganya blebsinaʾ nong ara dib dololum.

GALATIA 1:10

Anasa wera hekaʾ hulumla senenulum? Nim adya or perob senelenyaknya nek elemna gom, Imik Neyung adya or perob senelenelnya nek elemna gom? Goma, nim adya perob senewanenok senewoka pik elemna de? Wenyek nim adya hnon perob senewanenok senewoka pik elemnya dara, nara Kristus adya wa wenya unggulumnaʾ laga danganenaʾ ara an.

ROMA 6:14

Ugunda unuwanalum an yuba migib lomok unggululum, bok wanaʾ uboka eleksinaʾ migib lomok ululumaʾ anasa, ugunuk malya unaʾ migibaʾ adya hnon gologanggunusil.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

ROMA 7:4

Anasa, nadyaʾ hemyabo nim o, ugunda yoknya, nimi be hnon somoknaʾ nim gangganek ab embengaʾ subuka bukuknya Kristus aljinya dangoka, Imik Neyung amba doka moulunok aboka, ugunda Kristus nong pik uboka, unuwanalum an yub ak seleb somok irigoulum.

ROMA 6:21

Anasa an youmaʾ unululumnya nera, wen banyek bekoka, dara alya ulusilaʾ amba dara, anasemba perob soʾ digum ara, hekaʾ ak dololum do? Ban anaso unaʾ nidyaʾ ara, sidyaʾ nong ara, somoknaʾ ak dangalamla.

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

2 KORINTUS 3:17

Wera Wenelesilnya alamlaʾ ara Geisinya ak lelemla. Dara, Imik Neyung Geisinya ulumlaʾ ara, nimi henga lob losinaʾ anasoʾ ara, anyagan ulumla.

ROMA 7:25

Bok Imik Neyung adya nunja Wenelesilnya Yesus Kristus pik uboka blebnyok anasa, alak ok giblenob! Anasa nara nadya geremseng ganya ak sam ara, Imik Neyung adya unuwanalum an yub amba welenabok, nadya nong unaʾ ak sam ganya era malya unaʾ damok wa amba welemna.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

YOHANES 4:36

Doka daklamak nang ara, sikja deknaʾ seleb dolomak. Embengaʾ ulmoubnaʾ amba dakoka mamaklemak. Dara, eimik era doka doklomak nim eb, doka daklamak nim eb, ei-ei ganya daboka ulumnemak.

MATIUS 19:29

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

MATIUS 13:43

Dara, alda Imik Neyung ak pelemak nim era, al sikjaʾ neyung bedya wenelemnesil heikek sam henga dingib lomnaʾ anaso ak ulumnemak. Anasa wera, heknya o yakaʾ ara pe keblul!” hyok.

MATIUS 13:40

Anasa walenja ak gwenewoka, neikaʾ henga gouboka uka damek sonya nera, soko sidyaʾ daknamla sum era neik so unuwanasil.

WAHYU 7:13

Dara anyagan nonga kaboka wa borob nang enedya, be hnon nak, ”Dolungnaʾ geisa akleng ongomak nang era, hek nang uboka, sikda hekmok ab yeilimak nang do?” aboka heibnyok.

YAKOBUS 1:1

Nara Yakobus bedya Imik Neyung ab, Wenelesilnya Yesus Kristus amba arawoka welenanya bedya, obadya nang yilaʾ ak, mok soko me nidyaʾ ob lelewoka ululum nim ek nadya perob aboka gibsin.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.