ROMA 6:17 - PERJANJIAN BARU NALCA YUBA

¹⁷ Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

ROMA 6:17 Խաչաձեւ Հղումներ

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

2 TIMOTIUS 1:13

Nadya anak an seleb leboka, nidyaʾ nekgesa sok, anyek pe sunuwoka ululom. Anya wera, onoʾ nunda Yesus Kristus ab neikaʾ hnonok kweldalamabaʾ adya, nunjaʾ dangamok wanaʾ unaʾ ab, yuba dib senenaʾ ab danyek, anda pe salabmoubuka ululom.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 1:8

Hyak men dara, nadyaʾ Imik Neyung bek perob aboka giblamnaʾ ara, Yesus Kristus pik uboka, ugunja ganya yuba dib dobek an yub enyek, mok soko nidyaʾ ol lelelamlaʾ amba giblamna.

3 YOHANES 1:3

Nimi yuba dolomak nimi hnon ara, anyagan yeiniboka, anda dib nong yub ek bojam uboka, al dib yub ek sunuwoka sobaʾ ulmorulamla an yuba nak neknyekaʾ anasa, nara hyak perob senewoka eiya dabnel.

ROMA 15:18

Dara nara yok yub emba dara, asa ganya boboka wenyaro yibinggunumna, bok Kristus ara yok mok soko nimi pe keboka ununaʾ ak bo balalul senewoka, yub sanaʾ pik ab, laga ununaʾ pik ab,

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

2 YOHANES 1:4

Imik Neyung adya nuk alja lelesil sok, genong anja mabo darasam ara, dib yuba sunuwoka ulumakaʾ anyek, nara eiyiwoka, nara hyak eiya ulunel.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

PILEMON 1:4

Nara sobaʾ molol yaben dara, anja si sibuka Imik Neyung ak perob aboka molowoka giblamna.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?

1 PETRUS 3:1

Anasonya neikek ugun gelewa anaba, ugunja nenyab edya yuba pe kelelulum. Dara, ugun gangganek ara, Imik Neyung yuba dib senenggulumeija nimi hnon ulumnemak dara, ugunja dara sikenek ara yuba sal eleknaʾ loboka, ugunja pe unulumun nong unaʾ enedya sikda Imik Neyung ak dib senewanamak.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

IBRANI 11:8

Dara Abraham bera ganya dib senenaʾ adya, alda yok mok soko aljaʾ misaʾ danamok sokok sam binilam aboka ebok dara, alda hek mok balamnaʾ ara elgomaʾ anyek pe keboka lanawoka byuk.

1 TESALONIKA 3:9

Wera ugunja pe ululumnya nenedya, Imik Neyung saramek sam nunja alak perob aboka giblemabaʾ ara hyak nauba dangoka ulumla.

EPESUS 1:16

ugunsamba leboka, nara Imik Neyung ak sobaʾ gibelmorulamna. Dara, heng uboka Imik Neyung ak gibel yaben salek era, ugunja si sibuka mololesin.

1 KORINTUS 1:4

Ugunda Yesus Kristus pik uboka, Imik Neyung adya wanaʾ uboka eleksinaʾ seleb dolumaʾ anasa, ugunsamba leboka Imik Neyung gibel yaban dara, Imik Neyung ak perob aboka mololamna.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 2:8

Bok sik na pewanenelyaʾ anyek senewoka ane digum anyek eboka, dib nong ak blekoka, malyaʾ ak pe keboka unulumak nang era, yu sen-sen aboka wema dabnaʾ damok ak sikenek eleganesil.

RASUL 28:15

Wera hemyabo nanga Roma heikek ab dara, Yesus yuba doboka dib senewoka ulumek nang era, wera Paulus benya arobaʾ ara, wera Roma heikek an yalamak an yub kemek dara, sikda pika dibsinob aboka, Apius deknaʾ gasa ak hnon, dekoka malamak e winilya aboka simek heik sam hnon, pika dil yeilisik. Wera Paulus bera sik dil yeilisik nang eibok dara, Paulus bera Imik Neyung ak perob aboka giboka onoʾ alja ganya era hekoka sangamok.

1 KORINTUS 14:6

Wera, na kabo nim o, nak ugunuk yanasinyekanya, yok-yok yuba saro yabasinya dara, ugunsamba dara perob danasuso de? Nera ugunuk dara, mekaʾ sibin anaba perob danggunususo. Alda yoknya perob danasonya nera, Imik Neyung yuba damok ak gom, yokaʾ-yokaʾ anyek Imik Neyung amba geklewoka lel eleklesisinya gom, Imik Neyung yuba nong ak lel eleklesisinya gom, neklesisinya dara, perob danesisonya nera an.