ROMA 6:14 - PERJANJIAN BARU NALCA YUBA

¹⁴ Ugunda unuwanalum an yuba migib lomok unggululum, bok wanaʾ uboka eleksinaʾ migib lomok ululumaʾ anasa, ugunuk malya unaʾ migibaʾ adya hnon gologanggunusil.

ROMA 6:14 Խաչաձեւ Հղումներ

GALATIA 5:18

Bok ugunuk dara, Imik Neyung Geisinya adya bo ulumnesil dara, wera unuwanalum an yub ek ara, ganya dib beiliwoka unggulumnelum.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

IBRANI 8:10

Ban wenyhesa salek en seleb dara, ban wenyek Israeli nim eb wenyaldanaʾ yub eleganesin. Nadyaʾ anaso unubdanamab an yub era, sikjaʾ ganya seininaʾ ak doronggoka, momnya dobnesin. Dara na nong ara, sikjaʾ Imik Neyung danamna dara, sik nong ara nadya mabo yokaʾ danamak.

ROMA 6:12

Anasa ugunda malya unaʾ ganya anyek diliwoka unuwoumunuk aboka, ugunda malya unaʾ ara, an somoganamla nong enyek an or welenulul senenaʾ ara mem.

YOHANES 8:36

Anasa wera, Imik Neyung me adya ugunuk bleboka sekiyiwesilya dara, wera danyek ugunda aldib seleb blebiyiwosuk nimi dangoka ulumnalum,” hyok.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

GALATIA 3:23

Nunda Kristus ak dib senewanamoubaʾ amba liga yenewanggumok salek era, nunda unuwanalum an yub edya lekaʾ doboka bo ulusuk bok, eimik era dib senenaʾ ara laga dok.

ROMA 8:12

Anasa hemyabo nim o, nunda nim ek del lonaʾ nang ek ulumab, bok nimi ganya ok denaʾ sam ak gom, anedya nimi malya unaʾ ganya ak sunuwoka unggulumnemab.

MATIUS 1:21

Maria gera eimik nengma ak beibnamla. Ban me nenedya alja nimi sikja malya unaʾ ak ab blebnesilaʾ anasa, alja si nera Yesus ak aboka sibnelam,” hyok.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

GALATIA 4:21

Hemyabo nang o, ugun unuwanalum an yub ek ganya beiliwoka ulumnamab senelelum nang era, ban unuwanalum an yuba lelemlaʾ ara ugunda ella ululum gom, orok gom, wera neknenulum!

ROMA 11:6

Bok ban nera wanaʾ uboka eleksinaʾ adyakanya, yok ununaʾ adya gom. Wera anaso unuwanggunumso dara, ban wanaʾ uboka eleksinaʾ ara wanaʾ uboka eleksinaʾ wenyhenggunuseng.

ROMA 4:16

Wera anasa, unuwanesin aboka lebokaʾ damok ara, ban ganya aldib senenaʾ anyek sunuwoka unuwok. Anedya, ban unuwok ganya era, wanaʾ uboka eleksinaʾ anyek laga dangalalul aboka ubok. Anedya ban Imik Neyung adya unuwanalum an yub era, sik Yahudi nim ok gom, alda sik nim Abraham bedya dib senemok ganya enyek sunuwoka unulumak nang anaba, sikda nidyaʾ ara, unuwanesin aboka lebokaʾ dobnok aboka unuwok. Wera, anera Abraham bera nunda nidyaʾ hiboka amba, nunjaʾ neyung be ulusil.

ROMA 6:15

Anasa har so do? Nunda wanaʾ uboka eleksinaʾ lomok ulumabakanya, unuwanalum an yuba lomok unggulumab anasa, nunda malya unaʾ ak unubgiga balamnamab de? Orok! Anaso ununggulumnemab, hyak mem nong!

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

ROMA 5:17

Anasa, hnonoknya bedya meknenaʾ enesa leboka, wera ben pik ab uboka somoknaʾ damok ara, ob lelewok dara, nauba so ara, nim Imik Neyung adya perob eleksinaʾ doboka, hmaboka perobaʾ geblesil nang ek dara, ban hnonoknya Yesus Kristus adya, ob lelewoka embengaʾ ulmorulemnemak.

ROMA 5:18

Anasa neikso, be hnonoknya bedya meknenaʾ enesa, nimi nidyaʾ ara igina dobek sok, be hnonoknya bedya pe unuwoknya nedya, nimi nidyaʾ ara embengaʾ ulunob aboka perobaʾ nenenaʾ ara, dolomak.