Biblia Todo Logo
Առցանց Աստվածաշունչ

- Գովազդներ -




ROMA 6:13 - PERJANJIAN BARU NALCA YUBA

13 Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

Տես գլուխը Պատճենել




ROMA 6:13
39 Խաչաձեւ Հղումներ  

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.


Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.


Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.


Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.


Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.


Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.


Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,


Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.


Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.


Ugunja nonga yok-yok ara, hiboka Kristus nong ululumaʾ ara, ugunda elgom de? Dara, Kristus adya nong ululumaʾ anyek, nadya doboka gela salanaʾ ak neikaʾ hil binisinya de? Hyak unuwanggunusinya, mem.


wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.


Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.


Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.


Nara ban nim adyaʾ lelong sok wenyhenya nera, ugunja hmeng enesa lebna. Anasa ugunja nonga, soruka, yan era, youmaʾ dara, sembejaʾanya beb, wonaʾ unaʾ nauba danggiga balamlaʾ ak, sikja wa wen nang aboka bo elekdangalum sok, neikso wenebabya ugunda ugunja nonga, soruka, yan era, penaʾ adya ban pe munaʾ gobdo unaʾ ak bo balanggelaʾ anyek, alja wa wenya aboka bo elekdanalum.


Nunja sokok an oldalamabakanya, bolomab yina mal era, sokok abnya nek bonggulumab bok, nunja yina mal era, Imik Neyung migibaʾ goululamlaʾ ak bolomab. Wera an yina mal enedya, gasa mouboka welemak oulyang ek dolul meneklemab.


Wera anasa, nunda malya unaʾ amba leboka seleb an unu somogomouba, bok Kristus Yesus lomok Imik Neyung amba leboka embengaʾ ulumabaʾ ara, ugunda nenyek hyak al dib senewoka, pe beklemnelum.


Nenesa leboka yuba hnon ulumlaʾ ara, ”Anda hogunga malalamnya bera buklom, nimi somoknaʾ ak ab goboka buklom. Dara an nong ak Kristus adya dilinaʾ era, yebdo yibinenggel,” hyok.


Nunja dara, anasoʾ ak eleganemak senewanggumoubnya nenyek unumek. Sikda Imik Neyung adya seinilamlaʾ sok, men dara, sik nong anyek Imik Neyung ak elegekjok, onoʾ nuk hnon sik nong elegeisik dara, yok aranaʾ era elegemek.


Nim embengaʾ ulumak nim ara, siksamba ok unggulumnemak bok, alda sikenek perob dosululaʾ aboka somogoka embengaʾ suboka bukiyiwok Kristus emba ulunokaʾ aboka, Kristus ara nimi nidyaʾ amba somogosuk.


Bok nara eillilamnaʾ ara, nadya nong lomok ara, yok unuwanalum an yuba damok edya nadyaʾ perob ganya damok enyek olgoklamlakanya, nara nadyaʾ nong pik nidyaʾ ulumla malya unaʾ damok edya henga geregoka beiyimnaʾ geblenel.


Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.


Ugun gangganek an wabdangoka oldanaʾ lanalamlaʾ ara hanyagar ab do? Ugunja sokok anyeb anyek-anyek dobsibya ganya bololumaʾ adya, doluwoka oldalamlakanya, wera damoka beknaʾ dibaʾ ara an anara ulumla do?


An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.


Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.


Nadya me nera seleb somokdowokaʾ ara, wera onsok embengaʾ dangoka yal. Alda dengarowok bok, wera onoʾ saaboka onsok eibnaʾ anasa, denaʾ neikaʾ hiboka denemab, aboka, wera sikda hyak nauba masa youboka deregoka eiya hlalamek.”


Wera ban unulumeija damok enedya, nimi nauba malya unaʾ ak perob senewoka, dib yub ak dib senenggulumeija nim era igina boyiwanesil.


Kristus alja wana usinaʾ adya, nuk goluwoka bo ulusil. Dara, nimi ben hnon nimi nauba amba somogosuk dara, wera nimi nidyaʾ ara seleb somogekaʾ ak ulumakaʾ anyaʾ senelemab.


Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.


Հետեւեք մեզ:

Գովազդներ


Գովազդներ