ROMA 4:15 - PERJANJIAN BARU NALCA YUBA

¹⁵ Wera nimek wema dabnaʾ ara, oruksin yub edya lanaldilimla. Bok, hanyegarek unuwanalum an yuba unggulumlaʾ ak ara, wera anyeganera, meknenaʾ anaba unggulumla.

ROMA 4:15 Խաչաձեւ Հղումներ

YOHANES 15:22

Nak yanggusinyekanya, ban sikenek wenyanaʾ orok dara, malya unaʾ sikenek unggulumnususo bok, wenyek dara, sikja malya unaʾ orok senen lebnengguneseng.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

ROMA 1:17

Imik Neyung adya peldisinaʾ ara perob lero yanggan yuba pik ab laga dangalamla. ”Pellililanya bera ganya dib senenaʾ nong adyok ulumnamla,” an wenyaro momnya dobok sok, ban Imik Neyung adya peldisinaʾ ara ganya dib senenaʾ adya mengewoka sidyaʾ daklamla.

ROMA 5:13

Anasa Yahudi nim emba unuwanalum an yub anam lanawanggom bok, malya unaʾ ara men sokok an ulumok. Wera an bok, oruksin yub ak unaʾ orok dara, malya unaʾ ara, anyaʾ senewangguneseng.

1 KORINTUS 15:56

Somoknaʾ damok alja si yu hwamaʾ ara, malya unaʾ ulumla. Dara malya unaʾ ara, unuwanalum an yub adya laga dangoka migib ulumla.

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

GALATIA 3:19

Wera anaso ulumla dara, unuwanalum an yub era hekasa elegesuk do? Ban unuwanalum an yub era, nimi bleknaʾ hwam anasa, seʾ elegosuk. Hnoumunga wiknenanya hnonok pik uboka lero nang edya elegeisik. Unuwanalum an yub era, gigiwoka unulamlyaʾ ara, Abraham bek eleganenggen amoknya benyek yalya dara, wera unuwanalum an yub ek lobongganamak.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

KOLOSE 3:6

Ban nidyaʾ ara, Imik Neyung adya yu ganya damok lanalamla.

1 YOHANES 3:4

Malya ulumak nim era, malya unulumak dara, Imik Neyung adya unuwanalum an yub ek blekoka unulumak. Wera malya unaʾ damok ara, Imik Neyung adya unuwanalum an yub ek bleklemakaʾ damok ara al an.

WAHYU 19:15

Dara, aljaʾ sibamaʾ ak ab hyak yu nong parang enesoʾ ak lanawoka, parang enedya mok soko me nimi nidyaʾ oblamagoka, alda dub nang edya gasa gamaʾ edya wenewoka bo ulumnesil. Anya Imik Neyung migib yaknya bedya yu sen-sen aboka obnesilaʾ ara, anggur meka londenaʾ ak anggur dok londelemak sok, unuwoka obnesil.