ROMA 3:27 - PERJANJIAN BARU NALCA YUBA

²⁷ Wera anaso dara, nunda nonggo abdanesibyaʾ damok ara, hekaʾ ak ulumla do? Hyak orok! Har damok ek nonggo abdanggunusibya do? Yokaʾ unuwanalum an yuba pe unun damok emba leboka de? Nene gom, alda nimi ganya dib senenaʾ nong amba leboka dara, nonggo abdanggunusibya.

ROMA 3:27 Խաչաձեւ Հղումներ

MARKUS 16:16

Nimi nidyaʾ yuba dib senenggulumeija nim era, igina kweiyiwanesil bok, yuba dib senewoka meka dalesija nim era, blebnesil.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

ROMA 10:5

Dara Musa bedya Yahudi nim emba unuwanalum an yub adya, peldisinaʾ ak geklewoka momnya dobokaʾ ara, ”Nim oruksin yub ak unulumnelanya bera, wera anedya alda embengaʾ ulumnamla,” wenyaboka momnya dobok.

ROMA 11:6

Bok ban nera wanaʾ uboka eleksinaʾ adyakanya, yok ununaʾ adya gom. Wera anaso unuwanggunumso dara, ban wanaʾ uboka eleksinaʾ ara wanaʾ uboka eleksinaʾ wenyhenggunuseng.

ROMA 2:17

Bok anda Yahudi nang abdangoka, Yahudi nim emba unuwanalum an yub ak kwebmouboka, Imik Neyung amba leboka habmerenga nonggo aldalalam.

ROMA 2:23

Anda ban Yahudi nim emba unuwanalum an yub emba leboka, nonggo alalam bok, hekasa anda ban oruksin yub ek meknewoka, Imik Neyung ak derelelam do?

ROMA 3:19

Bok nunda banyek ella ulumab ara, yokaʾ-yokaʾ Yahudi nim emba unuwanalum an yuba lomok ulumlaʾ ara, nimi sik ban Yahudi nim emba oruksin yub damumduk ulumek nang ek senewoka beibuk, anedya nidyaʾ sibamaʾ leboka, sokok me nidyaʾ ara Imik Neyung adyaʾ igina kwesinaʾ lomok ulunok aboka unuwok.

ROMA 3:26

Ban unuwok ganya era, wen ulumab salek enebabya, alja pe unusinaʾ ara laga dolulaʾ aboka unuwok. Anedya alda dib nongnya ulumlakanya, nimi Yesus ak dib senelemak nang era perobaʾ nenesinaʾ ara laga dolul aboka ubuk.

ROMA 4:2

Abraham bera alja perobnya unulumokaʾ amba leboka perob nenemso dara, alda ban damok enesa leboka, nimek ak dara, or hamaʾ dakdo merewanasobok, Imik Neyung saramek ak ara, unuwanggunumso.

ROMA 7:21

Wera an unulamla adya, pik enyek anyeb nara ban unuwanalum an yuba damok enyek ella ulumnaʾ ara, Nara perobnya nenyek unuwonun senewan dara, wera ban malyinya nera nak an ul ganaklenel.

ROMA 7:23

Bok nara eillilamnaʾ ara, nadya nong lomok ara, yok unuwanalum an yuba damok edya nadyaʾ perob ganya damok enyek olgoklamlakanya, nara nadyaʾ nong pik nidyaʾ ulumla malya unaʾ damok edya henga geregoka beiyimnaʾ geblenel.

ROMA 7:25

Bok Imik Neyung adya nunja Wenelesilnya Yesus Kristus pik uboka blebnyok anasa, alak ok giblenob! Anasa nara nadya geremseng ganya ak sam ara, Imik Neyung adya unuwanalum an yub amba welenabok, nadya nong unaʾ ak sam ganya era malya unaʾ damok wa amba welemna.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

ROMA 9:11

Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok, ”Men karob so me nera goubenya so me nedya wa wenya danamla.” Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok.

ROMA 9:31

Bok, Israeli nang ek dara, ban unuwanalum an yuba peldisinaʾ damok anyek, we doblemekaʾ ara, doblamlobek.

ROMA 9:32

Hekaʾ adya doblamlobek do? Sik Israeli nang era ban ganya aldib senenaʾ anasa we dobnenggulumek, bok laga ununaʾ adya we doblemek anasa sok lobek. Sikda ouluk diknaʾ girik ak ouluka dibek,

1 KORINTUS 4:7

Anasa wera anak dara, heknedya men perob so uyinyok senelelam do? Anda yokaʾ-yokaʾ bololamaʾ ara, hnon eleganggunjoknya nek hnon bololam de? Wera dara, yokaʾ-yokaʾ nidyaʾ anak elegenjok bok dara, hekasa nabeyok dolomna senewoka, nonggo alalam do?

GALATIA 2:16

Anyek babya, nimi perobaʾ nenelamlaʾ ara, unuwanalum an yub unulumakaʾ adya gom, Yesus Kristus ak dib senewoka ganya oloknaʾ adya, perobaʾ nenewousululaʾ aboka dib senemouba. Nimi nidyaʾ ara unuwanalum an yub ununaʾ adya dara, perobaʾ nenenaʾ ara, okna dangalamla.

GALATIA 3:22

Bok, Imik Neyung yuba momnya dobokaʾ adya eleganesin amokaʾ ara, sikja Yesus Kristus ak dib senelemak nim ek elegosululaʾ aboka, Imik Neyung yub adya, nimi nidyaʾ ara, malya unaʾ lomok gobdo ulumak aboka, deneblebsuk.