ROMA 2:2 - PERJANJIAN BARU NALCA YUBA

² Bok Imik Neyung adyaʾ igina kwenaʾ ara, sik ban unulumak nang ek ara, pe domdigum sunuwoka unulusilaʾ ara, nunda ella ulumab.

ROMA 2:2 Խաչաձեւ Հղումներ

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

ROMA 2:1

Wera anasa nim o, or anda heknyeneba, anda yok nang ek yana lelelelam bok, ambabya meknenaʾ ak ab goʾ unggululam. Anda yok nim ek yana lelelesilimnya beneba, al neiknya nenyek ambabya unululamaʾ anasa, anda yok nim ek yana lelelesilim salek era, wera an dam nang ak yana leleldalalam.

ROMA 2:3

Wera anda nim o, anda sikenek anaso unulumak nang ek yana lelelesilim bok, anaso ununaʾ era ambabya unululamaʾ anasa, anja dara nara Imik Neyung adya igina eleklesilaʾ ak ara, merewanesom de?

ROMA 2:5

Bok ban anja ganya gasa nong enyek, ganya danganaʾ orok adya, wera Imik Neyung be eimik waboka pe sunubdaboka yana lelewanasilaʾ geknewanamla sum era, alja wema dabsinaʾ ara, an dam nang doboka nauba bolololam.

ROMA 9:14

Wera anaso dara, nunda hek henemab do? Dara Imik Neyung ara pe sunuwoka unuwanggubuk de? Hyak unuwanggunumso, orok!

WAHYU 16:5

Wenyek mek ak bo ulumok lero era, ”Hyak geisa nongnya bek ululam, hnon anja boublinggalem igin kwenaʾ era, pe beknaʾ sunuwoka ublam. Wera anda Imik Neyung bek ululamakanya, seleb orowek dib hweko ululam Imik Neyung.

WAHYU 19:2

Alja yana lelelesilaʾ ara hyak perob ok beknaʾ sunuwoka pe unulusil! Imik Neyung era, sokok an alak salalemek malya unaʾ edya senenggomaʾ malya nenelesuk gel gek seleb igina elegok. Anya, Imik Neyung mab alsamba welemek obsuk nang era, sikja eneng emba dara, Imik Neyung adya gel genyek an seleb dirigok,” wenyaboka lelemek.