ROMA 2:15 - PERJANJIAN BARU NALCA YUBA

¹⁵ Wera anedya, ban Yahudi nim emba unuwanalum an yub ulumlaʾ ara, sikja ganya lomok momnya dobsukaʾ, sikda laga amal dalamakaʾ ara an. Dara, sikja ganya ak yuba laga lenaʾ ab, sikja ganya era pelamaʾ, meknelamaʾ alamlaʾ ab, wera anyek beknaʾ dibaʾ ulumlaʾ ara an.

ROMA 2:15 Խաչաձեւ Հղումներ

2 KORINTUS 5:11

Imik Neyung ak lok ulumak an damok era, nunda seleb ella ulumabaʾ anasa, yok nim ek ara dukaʾ lolom-lolom aboka lelemab. Imik Neyung ara nunjaʾ ganya lomok anaba hyak nidyaʾ olowoka ella ulusil, onoʾ ugunjaʾ anaba nunja ganya ek ara ella ubsinok senelamna.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

1 TIMOTIUS 4:2

Sikda yuba lelesak nang era, sikja lelesija yub era sondaʾ yub ella ulumakjok, sene bobnenewoka lebnesak. Sikja ganya lomok ara sobaʾ bleilimna girik ek heilimla soko adya, sik damnya dara nunda malya ulumabaʾ ara ella unggulumak.

ROMA 9:1

Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel.

RASUL 24:16

Wera nenesa leboka, nadya mek ganya enyek geisa ulunun senewoka, Imik Neyung ak anaba, onoʾ nimi sirik ak anaba, sikenek hyak pe unulunun senewoka sunulyamalamna,” hyok.

RASUL 23:1

Wera Paulus bera Yahudi nang yuba sanaʾ gak nang anyagan ulumek nang ek pe keebdaboka lebokja, ”Nadya hemyab o, na embengaʾ ulunenya nenesa dara, nadya mek ganya edya dara, Imik Neyung ak malya unaʾ ara orok senelamna,” hyok.

YOHANES 8:9

Yesus adya ban wenhyok yuba kemek dara, Yahudi nang era, nauba nang sok ab ara, mek nang ek moruwoka, hnonok-hnonok sen-senem aboka balameekanya, dengaboka, gel ab Yesus ab ok, anyagan lobsik.

ROMA 2:14

Dara yok mok soko nim era, Yahudi nim emba unuwanalum an yub ek dara, sikenek ara unaʾ orok bok, sikja ganya doboka an unuwanalum an yub adya unulululum alamlaʾ an sunuwoka unulumak dara, wera sikda ban unuwanalum an yuba orokaʾ anaba, siksamba sik nong ara unuwanalum an yuba dibaʾ ulumak.

ROMA 2:27

Wera anaso dara, nim anam bolaʾ garawanggomnya bok, unuwanalum an yub ak pe unululanya bedya dara, eimik era, an wenenaʾ yuba damnya uboka, bolaʾ garananya bok, anda ban Yahudi nim emba oruksin yub ak bleklelam anasa, alja anak yana kibnenggel.