ROMA 16:26 - PERJANJIAN BARU NALCA YUBA

²⁶ Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 16:26 Խաչաձեւ Հղումներ

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

GALATIA 3:8

Imik Neyung yuba momnya dobokaʾ adya dara, nimi Yahudi gom nim era sikda Imik Neyung ak dib senewanamak dara, ban adya perobaʾ nenewanasilaʾ ara, orowek ella ulumookanya, wera ban perob lero yanggan yub era men danyek Abraham bek, ”Imik Neyung ara an pik uboka, mok soko me nidyaʾ ara perobaʾ nenewanamla,” hyok.

ROMA 15:18

Dara nara yok yub emba dara, asa ganya boboka wenyaro yibinggunumna, bok Kristus ara yok mok soko nimi pe keboka ununaʾ ak bo balalul senewoka, yub sanaʾ pik ab, laga ununaʾ pik ab,

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

2 TIMOTIUS 1:10

Anya wera, Imik Neyung adya alja wanaʾ unaʾ era, nuk blebsinaʾ dubnya Yesus Kristus laga dangamokaʾ adya laga amasuk. Yesus adya somoknaʾ migib era seleb yugoma nenewoka, alja perob lero yanggan yuba pik uboka dib embengaʾ ulmoubnaʾ damok ara, alja bo yeiniboka laga amasuk.

KOLOSE 1:26

Nara yuba lenya dasa ara, ban youmaʾ gibnaʾ gong ek ab ara mouruwoka, me mengewoka nang en lika nang en lika ubgiga yek ab mouruwoka gunuwoka doknomokaʾ anyek, lebnun aboka dangamsa. Bok wenera Imik Neyung adya alja munaʾ Imik Neyung mab ek ban doknomok ara, laga amalesil.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

ROMA 15:4

Anasa nidyaʾ yokaʾ-yokaʾ men danyek momnya doboknya nera, nuk anyeganyeb ella danamak senewoka seleb unu momnya dobok. Wera anedya nunda pe ganya gouluwoka salabmoubnaʾ ab, geisa Imik Neyung yuba momnya dobokaʾ ak ab ganya sangaldisinaʾ ab dadya, ganya welemnamab aboka unuwok.

ROMA 1:2

Ban aljaʾ perob lero yanggan yub era, alja ununumnaʾ lelemek nang, men sik pik uboka geisa Imik Neyung yuba momnya dobokaʾ lomok wenyalasuk.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

ROMA 3:21

Bok wenyek dara, unuwanalum an yub orokaʾ anaba, Imik Neyung adya peldisinaʾ ara, oruksin yuba lomok ab, ununumnaʾ lelemek nang buku lomok ab, seleb laga neklesuk sok, wera seleb laga gebsuk.

ROMA 1:20

Alak ab laga danganggulumlaʾ ara, aljaʾ migibaʾ ulmorulamlaʾ ab, aljaʾ Imik Neyung unaʾ dibaʾ an hnon, bok alja soko uyiwok salek ab mouruwoka, an penya damok era, seleb eillilimak anasa, eilinggulumaknya nera, anyeganyeb ella dangalamak anasa, sikda sene bobnenewoka anasa-anasa henggunuseng.

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

MARKUS 16:15

Onoʾ, alda sikenek wenhyok, ”Ugunda yok mok soko me nidyaʾ biniboka, perob lero yanggan yub era, nimi nidyaʾ ak leb elekdo yabalemnelum.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 1:17

Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.

IBRANI 13:8

Anasa, Yesus Kristus ara youmaʾ hnon, wen hnon, eimik hnon, neikaʾ ok sobaʾ ulmorulamla.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.