ROMA 15:31 - PERJANJIAN BARU NALCA YUBA

³¹ wera anedya, nara Yudea sam bleklemak nang ek ab pe arawoka bo ubnelekanya, onoʾ anedya Yerusalem amba webnamna wa nera, sik munaʾ Imik Neyung mab edya ganya hekoka or senewanok.

ROMA 15:31 Խաչաձեւ Հղումներ

2 TESALONIKA 3:2

Hnonda onoʾ nimi nidyaʾ ara, Wenelesilnya bedya yub era, ganya eleleng aboka dib senenggulumak bok anasa, nuk yu hwam nim eb, nimi doluwoka malya nenelesak nim ek ab, Imik Neyung adya blebsululaʾ aboka mololesululum.

2 KORINTUS 8:4

Sikja nuk, munaʾ Imik Neyung mabo Yudea sokok ulumak nim ek, numba hnon arawanamab aboka dukaʾ lolom-lolom aboka moloweisik.

2 KORINTUS 9:1

Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

ROMA 15:25

Bok nara wenera Yerusalem heik sik bonaʾ garan munaʾ Imik Neyung mab amba bonaʾ arawoka bo balamna.

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.

RASUL 25:24

Dara unu wekemek sum enyek, Festus bedya, ”Perobnya Agripa beb, ugunda anyagan wekel yeililum nang o, ban benyek eillililum. Nimi nidyaʾ Yahudi nim edya, or nera Yerusalem heikek sam hnon, anyagan ab anaba, nak an or anja don alak yokaʾ ublom aboka oruganyek. Sikda nak yeiriwoka nak unuwolul senen lelemek ara, Paulus bera alda embengaʾ unggulumnamso, obnemak aboka yuba nauba lelenyek.

RASUL 25:2

Wera Yerusalem heikek ab dara, Yahudi yuba wa gakaʾ dub nang eb, yok Yahudi dub nang eb dadya, Festus bek yeiniboka, Paulus bek alda nunja mok soko lobaʾ nenewoka malya nenelesil aboka lelemek.

RASUL 22:24

Wera danyek yin bonaʾ dubnya bedya, ”Paulus bera ek bo binilumukanya, alak legebnaʾ adya oboka heibnelumukanya, hekasa Yahudi nang era alak anaso ebngalagoka lelemak do aboka ella danamab,” hyok.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.

2 KORINTUS 1:10

Dara, Imik Neyung migib enedya nu nong ara, somoganasibyaʾ nong ok ab blebsuukanya, onoʾ wenebabya blebnesil. Nunda Imik Neyung ak ganya welemabakanya, eimik yanamla igin yakaʾ eneba alja blebnesilaʾ anyaʾ senelemab.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.