ROMA 15:19 - PERJANJIAN BARU NALCA YUBA

¹⁹ yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

ROMA 15:19 Խաչաձեւ Հղումներ

2 KORINTUS 12:12

Nara aldib Kristus adya yuba lenaʾ gaknya laga beknaʾ ulumlaʾ ara, wa wenaʾ geknebaʾ ak lok soʾ beknaʾ hnon, senenggom lok so ununaʾ hnon, yok-yok migib ununaʾ ab dadya, ugun gangganek ab, nara hyak ganya siklewoka laga okoka welemsa.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

GALATIA 3:5

Imik Neyung ara alja Geisinya ugunuk elegoka, aljaʾ yokaʾ lok soʾ migib ununaʾ senenggomaʾ ara ugun gangganek unulusil. Ban unulusilaʾ ara unuwanalum an yub ek pe unululumaʾ adya unulusil gom, Kristus amba yub enyek ugunda keboka dib senelumaʾ adya unulusil gom?

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

RASUL 20:6

Wera Yahudi nang edya welenaʾ orok roti gwanenga den sum era, seleb meewoka dero dakdowek dara, nunda Pilipi heikek ulumoub ara loboka, mek ekla bunaʾ pik lanawoka bilimouba. Wera onoʾ li dombadya maboka gwelegok dara, nunda nidyaʾ men nang ulumek ak Troas heikek mamagouba. Wera Troas heikek yeiniboka ulumouba salek era, li sekbadya mamouba.

RASUL 17:10

Dara al unuweisik sum inimnek enyek, Tesalonika heikek nim edya Paulus beb Silas bebdak, ugunda Berea heikek sam binirum aboka orugeisik. Wera Paulus Silas ara, seleb Berea heikek birik dara, Yahudi nim edya yuba don ek sam bilirek.

RASUL 20:20

Nara ugunuk pebsulul senelamsa anyek, sene mandenaʾ loboka welemsa. Nadya nidyaʾ ugunuk wenewoka neklesisa ara, or nimi hnoum senenggomaʾ ak hnon, onoʾ ugunja ek anaba wenewoka leboka neklesisa ara ella ululum.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

RASUL 18:19

Wera sikda Epesus heikek seleb byik dara, Paulus bera Akwila beb, Priskila geb dara, anyagan loboka, alda Yahudi nim edya yuba don ek biniboka, sikenek yuba saboka neklesuk.

RASUL 18:1

Ban nen seleb dara, Paulus bera Atena heikek ab ara Korintus heikek byuk.

RASUL 17:15

Wera Berea heikek ab ara arawoka bobeknya nera Atena heikek sam bo bokdo dorogek dara, Paulus bo bokol bilimek nang edya, Paulus bedya Silas Timotius anyek men na yan sok yorurum aboka yuba beibuk dara, sikda wenyamok yuba boboka yeilimek.

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 15:12

Wera danyek, anyagan longomek nimi nidyaʾ yuba sanaʾ loboka gelegemek. Anya yuba gelegoka, Paulus beb, Barnabas beb dadya, Imik Neyung ara sik pik uboka nimi yok soko nim Yahudi gom nim ek yokaʾ-yokaʾ lok so beknaʾ ab senenggomaʾ lok soʾ anyek sik gangganek unulumok anyek neklesirik dara, sikenek kero bulumek.

RASUL 14:25

Anyagan ara, Perga heikek Imik Neyung yuba seleb leb elekgogowarek dara, senenggom mek gwan berem Atalia heikek birik.

RASUL 14:20

Bok, yuba doro diriga ban nang era, Paulus omek ak akneb ganagoka diri seklemek dara, Paulus bera bukoka, on heikek sam wekel yeilimok. Wera ampum maboka gwelegok dara, heik era loboka, Barnabas beblaboka neikaʾ Derbe heikek birik.

RASUL 14:10

yuba nauba yalawoka lemokja, ”Anda jong nonga seklom,” hyok. Dara, bera berra sekoka, sakdo dorogoka bini yeini ul yabok.

RASUL 14:6

Wera sik penya ban unuwoka ngoroknaʾ delemekaʾ anyek eiyirek dara, Likaonia moka Listra heik sam hnon, Derbe heik sam hnon, doknol bilirek.

RASUL 13:51

Bok Barnabas Paulus adya dara, yan sang sembejaʾ heik enyegan beknaʾ dibaʾ bolom-bolom arek seleb dara, sikda Ikonium heikek birik.

RASUL 13:14

Wera sikda penya Perga heik ab ara, soko pik Pisidia moka Antiokhia heikek birik. Dara, Sabat mem sum era heik enyegan nim eblaboka Yahudi nim edya yuba don ek yuba longol bilimek.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

YOHANES 4:48

Dara, Yesus ara ban soko dubnya bek, ”Ugunda yokaʾ-yokaʾ lok so beknaʾ senenggomaʾ, lokol danaʾ eilinggululum dara, dib senenggululum,” hyok.

MATIUS 12:28

Bok nak dara, Imik Neyung Geisinya migib adya, bisaʾ ara yaklamna dara, wera anara Imik Neyung adya seleb ugun gangganek wenelesilaʾ ara an seleb yal an,” hyok.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

KOLOSE 1:25

Nara ban yuba donaʾ nimi wa wenya seleb dasaʾ ara, Imik Neyung adya nak wa nenyek alja yub amba hyak munaʾ gobdo ugunuk wero balalul senemok adya an yuba lenya dasa.

ROMA 15:24

nadya senelamnaʾ ara, nara Spanyol sam bannya dara, ugun ululumaʾ ak dek-deka sobnyekanya, ugunub eibdanamab senelamna. Wera anedya, ugunublaboka unaʾ anyek or mekaʾ anyaʾ senewanya dara, ugunda nak bokol bininulum senelamna.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

1 KORINTUS 2:4

Yuba ugunuk leb elegeisisaʾ ara, nadya ganya geremseng edya, ganya sangasin yub ek lebnenggusisa bok, nadya ugunuk yuba leb elegeisisa dara, alda Imik Neyung Geisinya alja migib unaʾ era laga dangamok.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.