ROMA 15:16 - PERJANJIAN BARU NALCA YUBA

¹⁶ Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 15:16 Խաչաձեւ Հղումներ

ROMA 11:13

Wei, Yahudi gom nim o, nara ugunuk wenyhenesin. Wera na nong ara, Yahudi gom mok soko nim emba yub lenaʾ gaknya ulumna anasa, ban yub damok era nadya welemna wa senenggomaʾ perobaʾ ara wera an senelamna.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

2 TIMOTIUS 1:11

Ban wenyaboka perob lero yanggan yuba lero yaban damba, Imik Neyung adya nak yuba lenaʾ gaknya hnon, yuba neksinya hnon, jaboka sekiyinyok.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

ROMA 15:18

Dara nara yok yub emba dara, asa ganya boboka wenyaro yibinggunumna, bok Kristus ara yok mok soko nimi pe keboka ununaʾ ak bo balalul senewoka, yub sanaʾ pik ab, laga ununaʾ pik ab,

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

1 KORINTUS 4:1

Anasa nuk dara, wera Imik Neyung adya gegemokaʾ anyek, nuk elegosuk nim uboka, kristus ak arawoka welemak nang ulumak alasinok.

1 PETRUS 2:5

ugun nong ak dara, embeng girik gong ek anaso ululumaʾ anasa, ugun nong anyek, Imik Neyung adya doboka perob ganya e solomla. Wera anadya ugun nong ak dara, Imik Neyung amba ok munaʾ gobdo ulumak yuba lenaʾ gak nang anaso uboka, Yesus Kristus pik uboka, Imik Neyung ak giboka perob aboka ganya eleknaʾ eleklelum. Dara, alda ban eleknaʾ enyek perob senelesil.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

EPESUS 2:22

Ugunda Kristus ab seleb neikaʾ kwebdangalumaʾ adya, ugunuk onoʾ nimi yok nim eb, Imik Neyung alja un e nenewoka, Imik Neyung ara aljaʾ Geisinya pik uboka, ugun lomok seleb ulusil.

EPESUS 2:18

Wera Kristus pik moruwoka, Yahudi nimi yokaʾ gom, Yahudi gom nimi gom, nunda nidyaʾ ara hnonok neik Imik Neyung Geisinya edya pik uboka, Imik Neyung ak sam ban pik era seleb eiyiwoka balamab.

GALATIA 3:5

Imik Neyung ara alja Geisinya ugunuk elegoka, aljaʾ yokaʾ lok soʾ migib ununaʾ senenggomaʾ ara ugun gangganek unulusil. Ban unulusilaʾ ara unuwanalum an yub ek pe unululumaʾ adya unulusil gom, Kristus amba yub enyek ugunda keboka dib senelumaʾ adya unulusil gom?

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 8:5

Nunja dara, anasoʾ ak eleganemak senewanggumoubnya nenyek unumek. Sikda Imik Neyung adya seinilamlaʾ sok, men dara, sik nong anyek Imik Neyung ak elegekjok, onoʾ nuk hnon sik nong elegeisik dara, yok aranaʾ era elegemek.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

1 KORINTUS 3:5

Dib nong ara, Paulus bera heknya do? Onoʾ Apolos bera heknya do? Nunda welenamnya nenyek, ban adya dib senelum bok, nunda Imik Neyung adya alja wa arawoka, welenam nang ok ulunam. Nunda or Wenelesilnya bedya ban wa nenyek welerurum aboka, elegesukaʾ ok welenam.

ROMA 15:29

Anya nara ella ulumnaʾ ara, wera nara ugunuk yanya dara, nara Kristus adya perobaʾ lelenel lomok, hyak senenya loboka unuwanasin senelamna.

ROMA 5:5

Anya, Imik Neyung adya wanaʾ usinaʾ dibaʾ ara, Geisinya ara, nunja ganya lomok seleb elegousukaʾ anasa, ban ganya we unaʾ adya dara, soloma nenenggulusil.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 20:32

”Dara wenyok, nara ugunuk Imik Neyung bek hnon, alja wanaʾ uboka eleksinaʾ yub ek hnon, dib elek lobsin. Al ugunuk migibaʾ nenellilisilikanya, onoʾ alja mabo munaʾ gobdo dangalillisilnya bek elek lobsin.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

ROMA 15:20

Anya ban yub en lero yabalamsa dara, nara nadyaʾ perobaʾ anyaʾ senelamsaʾ ara, Kristus si seleb ella unggulumeija nang mok soko era, yok nang edya seleb yangameija damok enyek, onoʾ nadya sounuwoka an eilib sob siklewanyek aboka, sikja mok heik era lelemsa.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.