ROMA 15:14 - PERJANJIAN BARU NALCA YUBA

¹⁴ Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

ROMA 15:14 Խաչաձեւ Հղումներ

2 PETRUS 1:12

Ban nenyek unuwanaseng senewoka, ugunda seleb ella dangoka onoʾ Imik Neyung yub ak ella dangalumnya, nera seleb doboka pe salalalum bok, sounuwoka hnon beklulumaʾ aboka sobaʾ neklemnesin.

1 YOHANES 2:21

Anasa wera, nadya ban ugunuk momnya doboka beibsinaʾ ara, ugunuk dib nong yub elgom ululumaʾ amba gom. Alda ugunda seleb ella uboka, onoʾ dib yuba lomok ab ara, sondaʾ damoka mekaʾ hnon lananggulumlaʾ ella ululumaʾ anasa, anara weboka beibsin.

1 KORINTUS 8:1

Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

1 TESALONIKA 5:11

Anasa, seleb unuldalalum sok, ganya gwelelek aldalamnalumukanya, migiba nenellildalamnalum.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

1 KORINTUS 8:10

Nenera ban nenesa lemna, Anda yuba dib doboka ganya kasomnya benyek, bisaʾ amba beil balamak denaʾ dero bulusom dara, onoʾ dero bulusomaʾ ak hnon, ganya kanaʾ oroknya bedya eibgeso dara, wera eibgesonya bera an delesom denaʾ era, albabya asaʾ ganya boboka denggunumso senelelam de?

1 KORINTUS 8:7

Bok, ban ella ulumabaʾ anaba, ban nera nimi nidyaʾ ella ulumakaʾ goma! Hnonda youmaʾ dara, bisaʾ giblemekaʾ adya, wenebabya sobaʾ giblemakaʾ ak sam beil balamak denaʾ era, an senewoka bekelmoublemak. Anadya sikja mek ganya era dib kanaʾ orok adya, doboka den dara, nera malya unaʾ denewanel senelemak.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

PILEMON 1:21

Ban momnya donaʾ en anak beibgenaʾ ara, nadya unuwanalam aboka molowagenya nera, al or unuwanamlaʾ ara ella ulumnakanya momnya doboka beibgen. Orokaʾ anaba wenyanaʾ oroknya neneba nauba unub lolowanamlaʾ anyaʾ aboka ubna.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

IBRANI 6:9

Bok nadya wanaʾ ulusin hemyabo nim o, nunja an wenhyabaʾ anaba, nunja dara, ugunuk ara or malye, dibaʾ pe ulumakaʾ anyaʾ senelesab. Anya, nunja dara, ugunuk ara sikda Imik Neyung adya perobaʾ, sik blebnesisoʾ ara seleb dobekaʾ anyaʾ senelesab.

IBRANI 5:12

Wen era, ugunda yuba len nanga dangamnesom bok, nera ununaʾ orokaʾ anyek, alda Imik Neyung yuba doboka ganya kalamakaʾ damok ara, yok nim edya anam pe neknesiseng hogung ek ululum. Anya, ugunda gasa denaʾ lowoka, anam moum soub denaʾ ok delelum.

2 TIMOTIUS 1:5

Anja genong Eunike geb, anja donggel Lois geb dadya, sikja Kristus ak dib senelerek sok, anja Kristus ak dib senelelamaʾ ara, nara seiniwoka ulumna. Nadya dara, anda anaso uboka Kristus ak dib senelamlaʾ anyaʾ senelenggen.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

2 KORINTUS 8:7

Anasa wenyek dara, ugunda yokaʾ-yokaʾ pe unululumaʾ yak nim ululum. Yuba dib senenaʾ hnon, perob yuba sanaʾ hnon, perobaʾ ella danganaʾ ak hnon, ganya gouluwoka aranaʾ ak hnon, nuk sam wanaʾ ulusulumaʾ hnon, ban nidyaʾ pelelumaʾ anasa, an yok nim ek aranaʾ anaba hyak nauba perobnya nedya unulululum.

2 TESALONIKA 1:11

Ban nenesa leboka, ugunuk anaso unuwousululaʾ aboka, nunda ugunsamba sobaʾ heng uboka mololesab. Nunja ugunsamba heng uboka mololesabnya nera, ugun nong anyek Imik Neyung adya ugunuk youbosukaʾ anasa, anaso unu ubseng senelelanya nenyek, gigiwoka pe ululumaʾ aboka mololesab. Anasa wera, Imik Neyung adya ugunuk aralesilyaʾ adya, ugunja Kristus ak dib senemoub aboka welelum wa nidyaʾ ara, pe unulumunaʾ adya pebgiga balalulaʾ aboka, Imik Neyung migib adya ugunuk sam ak dara, alja senelamla sok gigiwoka unulusulul.