ROMA 14:8 - PERJANJIAN BARU NALCA YUBA

⁸ Anasa nunda embengaʾ ulumab dara, Imik Neyung amba ulumab. Anya nunda somoganamab dara, onoʾ Imik Neyung amba somoganamab. Wera anasa, embengaʾ unaʾ gom, somoknaʾ gom, nidyaʾ ara nunda Imik Neyung aljinya ulumab.

ROMA 14:8 Խաչաձեւ Հղումներ

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

1 TESALONIKA 5:10

Dara, nunda embengaʾ ulumab gom, seleb somogomeibyaʾ gom anaba, sobaʾ Yesus ablaboka ulunobaʾ aboka, nunsamba somogosuk.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

RASUL 21:13

Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

WAHYU 14:13

Wera an seleb dara, imik heik ab hnon lebokaʾ ak kebsenya nera, ”Banyek nidyaʾ momnya dobnelam: Wenyok ab mouruwoka, sik Wenelesilnya lomok uboka somoganamak nim era, pe ulumnamak!” aboka lebok. Dara, Imik Neyung Geisinya ara, ”Aldib!” hyok. Hnonda, ”Sikja igina berewoka welemeknya nera, jakmanaʾ danamlakanya, sikja welemekaʾ amba dara, deknaʾ dobnemak,” wenyaboka lebok.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

PILIPI 2:30

Kristus wa nauba dangoka perob dolululaʾ aboka, alda hyakaʾ somok lobok bok, ugunsamba harok alda nauba yeiriwoka ganya nong gekman nadya welemna wak sam neikaʾ welenam.

RASUL 13:36

”Dara, Daud bera Imik Neyung adya anyek senenanya loboka weblul senemok anyek, seleb senenya loboka webgogobok sum era, alda seleb somogok dara, alja neyung yab youmaʾ nanga sik diyisik ak sam neikaʾ ak dibik. Dara, Daud be nong diyimek ara, seleb nidyaʾ bloboka yaabok bok,

YOHANES 21:19

Yesus adya ban nidyaʾ Petrus bek wenhyokaʾ damok ara, Imik Neyung si imik nenen danasa, Petrus benyek hekaʾ huboka somoganamokaʾ damok anasa lemok. Ban nidyaʾ wenyabgogomokaʾ seleb dara, Yesus adya Petrus bek, ”Anda nak diriga yalanelom,” hyok.

LUKAS 20:38

Wei, anasa Imik Neyung ara somoklemak nang Imik Neyung unggulumla! Nimi nidyaʾ ara, Imik Neyung ak dara, embengaʾ ulumakaʾ anasa, Imik Neyung ara embengaʾ ulumak nim edyaʾ Imik Neyung ek ulumla,” hyok.