ROMA 14:13 - PERJANJIAN BARU NALCA YUBA

¹³ Wera an unuwanasil anasa, nunda dukaʾ lolowom aboka yana leleldanaʾ ara mem! Bok ban ganya en boboka wenyalamak yub enyek bobnemab. Nunda nunjaʾ hem bek boroboublingganyek, gom ouluk diknaʾ girik dangiyiwanyek mem, senelemnemab!

ROMA 14:13 Խաչաձեւ Հղումներ

2 KORINTUS 6:3

Nunja welemab wa nera, yok nim edya malya uboka welelum hisijek aboka, nunja dara, yok nim ek oluk diknaʾ girik dibaʾ nenenggulumab.

YAKOBUS 4:11

Na kabo nim o, ugunda geklewoka waldanaʾ ara hyak mem. Neik yuba dolomak nimi moumen geklewoka wabdangoka, yana lelelanya bera, alda Imik Neyung adya unuwanalum an yub ak geklewoka waboka yana lelelamla. Anya ugunda ban Imik Neyung yub ak yana lelelelum dara, wera ugunda Imik Neyung adya unuwolulum alamla yub ek, ununaʾ loboka, alda yana lelen nimi dangalalum.

LUKAS 12:57

”Ugumba yok dara, hekasa perobnya nek unuwanamab aboka yuba gekenggululum do?

MATIUS 7:1

”Ugumbabya Imik Neyung adya eimik yana leleweisilyek anasa, ugunda yok nim ek yana lelenaʾ ara mem.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!

ROMA 14:10

Bok anak dara, anda hekaʾ amba anjaʾ hem bek yana lelelelam do? Anya anda hekasa anjaʾ hem bek waboka derelelam do? Unululam bok, nunda nidyaʾ ara Imik Neyung adya pe yana lelewoka ubnesil ekla berem neikaʾ bo beildal binimab.

LUKAS 17:2

Yokaʾ gwablemak girik edya ngang ak geregoka mek ek al nonga boboganeseng dara perob. Hnon yok me nenyek benedya malya unaʾ ub elegalyaʾ anyek, omom nonga dalyek.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

YAKOBUS 2:4

wera ban unululumnya nedya, ugunja malya ganya seiniwoka bera malya senewoka, nimi yilaʾ yana lebdangoka webeldalalum.

1 KORINTUS 11:13

Hem yabo nang o, ban nenyek ugumbeyok sunubyamadenelum: Gela hnon alja huk goluwanggonggom, Imik Neyung ak heng uboka molowanamso dara, ugunda perob senewanesom de?

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.

ROMA 14:4

Anda heknedya, wera nimi yoknya bedya wa wenya benyek yana lelelelam do? Alda malyingginimlaʾ gom, alda or seklemnamlaʾ gom ara, nera alja neyung bedya memewanamla. Bok Imik Neyung adya memewoka bo ulumnamla anasa, alda sobaʾ seklemnamla ok.

MATIUS 18:7

Ban sokok an ara nimi malya ubnokaʾ aboka, malya nenelesilaʾ damok anyek, hyak omom nongaʾ ak ulumla. Ban unulusilaʾ damok ara sob ulumnelabok, alda unul eleklamla nim enyek, hyak omom nongaʾ ak ulumak!

MATIUS 16:23

Dara Yesus ara Petrus bek uruma dangawoka, alak lebokaʾ ara, ”Nimi sunulyamanaʾ hwamnya Satan o! Anyaganyebaʾ ara bilom! Anda nak salyaʾ pika garalenelem an. Anja ganya seininaʾ era, Imik Neyung adyinya nek seininggululam bok, nim adyinya nek seinililam!” hyok.

1 YOHANES 2:10

Alja hem yab ek wanaʾ uboka ululanya bera, alda dilinaʾ ak pe ulumla. Wera anadya alak yokaʾ unuwalya dara, yok nimi malya unaʾ lomok malyinggijek senenaʾ ara, oluk diknaʾ hyak unggulumla.

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.

2 KORINTUS 5:14

Kristus alja wana usinaʾ adya, nuk goluwoka bo ulusil. Dara, nimi ben hnon nimi nauba amba somogosuk dara, wera nimi nidyaʾ ara seleb somogekaʾ ak ulumakaʾ anyaʾ senelemab.

ROMA 11:9

Anya Daud bera wenhyok, ”Sikja senenggomaʾ memewoka delemaknya nera, weboka younaʾ yinaʾ heng ab, weininggeldanaʾ ab, siksamba diriknaʾ ab dangalamnamla.

ROMA 14:3

Imik Neyung ara ban benyek seleb dolomla anasa, denelanya bedya, denggubija nang ek derenaʾ mem. Anya onoʾ denggubija nang edya, dija nang ek yana lelenaʾ ara mem.