ROMA 12:13 - PERJANJIAN BARU NALCA YUBA

¹³ Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

ROMA 12:13 Խաչաձեւ Հղումներ

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

2 KORINTUS 9:12

Ugunja perob unaʾ an unululumaʾ anadya, nimi munaʾ Imik Neyung mabo yok nimi denaʾ bonaʾ yak nenenaʾ ok ununggululum bok, alda an unululum ununaʾ enedya, nimi nauba Imik Neyung ak perob aboka giblemnemak.

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

1 PETRUS 4:9

Yokaʾ-yokaʾ ak seiniwoka yu yabnaʾ loboka, ugun moumen anaba ugunjaʾ e pik perobaʾ lebdangoka doboka beil dalalulum.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

IBRANI 13:2

Dara hnon nim era, yok nim ek, ek yoululum amek dara, sikda elgom bok, wera lero nang ek denaʾ elegemekaʾ anasa, ugunda nimi yok nim ek, ek yanalum aboka perobaʾ lenaʾ ara hiliknenggom mem.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

MATIUS 25:35

Nara gwaneng ok unyok dara, ugunja denaʾ elegenulum. Nara mek ok ubnyok sum era, mek elegenulum. Nara sekel yangganya ulumsa sum era, ugunja perobaʾ leboka nak ugunja ek sam doro diyinulum.

PILEMON 1:7

Hem Pilemon o, anja nidyaʾ yok Imik Neyung mab ek wanaʾ ulusilimaʾ adya, wera nadya ganya heklenelekanya, naba anaso unuweisinya ganya nauba bolomna! Munaʾ Imik Neyung mabo nidyaʾ anja nong unaʾ enesa leboka, hyak nidyaʾ anak ara, ei-ei ganya bolonjak.

TITUS 1:8

Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

2 KORINTUS 9:1

Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

RASUL 10:4

Kornelius bera lero enyek lok anasa keebdaboka lemokja, ”Neyung o, hekaʾ ak ulumla do?” hyok. Wera danyek lero adya Kornelius bek, ”Anja molonaʾ ab, anja eleklelam ab, Imik Neyung saramek uboka alda perob senelamlakanya, onoʾ anak beklenggel,” hyok.

RASUL 4:35

rupiah era bobnadya yuba lenaʾ gak nang ek bo elegel yalamek. Dara rupiah era, benyek dobso senen geknewan nang ek bokoldalamek.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.

ROMA 12:8

Wenewoka pe memenaʾ amba elegesilya dara, wera nunda or pe weneldalamnemab. Anasa heknedya yok-yok bonaʾ pe bogoka elekdo yabalamnesil dara, wera alda hyak perob ganya bomlyekanya unululul. Heknedya ban wa nen bo uboka webnelam henemla dara, alda yeng ganya boboka unululul. Heknedya angoo yadyek senewoka men arawounun uruma bobnelanya bera, alda ganya eiya daboka unululul.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

3 YOHANES 1:5

Nadya hem o! Nunja hem yabo yuba dolomak nim emba welelam dara, hnonda an ella ululam nim emba hnon, hnonda amba elgom ululam bok, yuba dolomak nim emba hyak yeiriwoka bojam weboka aralesilim.