ROMA 11:36 - PERJANJIAN BARU NALCA YUBA

³⁶ Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 11:36 Խաչաձեւ Հղումներ

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

IBRANI 2:10

Dara, Imik Neyung alsamba leboka yokaʾ-yokaʾ nidyaʾ ululanya, onoʾ yokaʾ-yokaʾ nidyaʾ uyimoknya bedya, alja mabo gong dara si imik nenelesuukanya, sikja blebsinaʾ damok bo ulusuknya bek igina kweiyiwokaʾ adya gobdo gigiwok dara, anedya pebok.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

ROMA 16:27

Yesus Kristus pik uboka, Imik Neyung al alak ok hnonok, hyak geremseng nongaʾ si imik nenewoka gibnaʾ ara, alsamba ok hyak sob-sobaʾ ululul! Amin.

YUDAS 1:25

Onoʾ nunjaʾ Wenelesilnya Yesus Kristus pik uboka, nunja bleblesilnya bek, alak hnonok si imik nenenaʾ ab, alja senedyaʾ omom unaʾ ab, hyak dub unaʾ ab, aljaʾ migib unaʾ ab danyek, youmaʾ, wen, eimik eneba, senenya loboka sobaʾ ulmorululul. Aldib unululul.

RASUL 17:28

Anasa nim adya hnon wenyalamak ara, Nunda embengaʾ uboka ebegoka, sokok an yabalamab ara alja migib edya ok ulumab, alamak. Anasonya neikik, youmaʾ ugunja nang bok urumnaʾ dolomek nang edya hnon lebek. Nunda nidyaʾ ara alja mabo yokaʾ nong ulumab aboka lebek,” hyok.

WAHYU 21:6

Dara onoʾ hnon yuba lebnyokaʾ ara, ”Wera seleb gobdo unura dakdowan! Na nong anyek, men nongnya uboka, onoʾ eimik sidyaʾanya ulumna e. Nak danyek, men eininaʾ ak ab uboka, sidyaʾ daknaʾanya ulumna. Nimi nidyaʾ mek ok ulusil nim era, nim embengaʾ eleksin mek luk ab, embengaʾ unaʾ mek era or salyaʾ eleganamna,” hyok.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

2 TIMOTIUS 4:18

Nera aldib Wenelesilnya bedya nak malya ublul senewoka sunulunelaʾ ak ab blebelmorulumnenel. Alda nak doboka alja imik heikek pe bo binenel. Alak imik nenewoka sobaʾ pe giblenok. Amin.

1 KORINTUS 11:12

Men youbuka gel gera nengmab ek ab lanamok sok, onoʾ nengmab ak dara, gelewa ak ab beillilimak. Bok nidyaʾ yokaʾ-yokaʾ ara, Imik Neyung ak abaʾ ok ulumla.

1 PETRUS 5:11

Imik Neyung ak hnonok alak ok hyak sobaʾ or migibaʾ ulmorululul. Amin.

PILIPI 4:20

Nunjaʾ neyung Imik Neyung ara hyak sobaʾ gibelsinilenob! Amin.

EPESUS 3:21

Kristus Yesus pik uboka, nim Imik Neyung yuba donaʾ nimi pik uboka, sounuwoka likoka sobaʾ gibgiga balanok. Amin!

GALATIA 1:5

Anasa, Imik Neyung bek, sobaʾ imik nenewoka gibelmorulenok!

WAHYU 19:1

Ban nen seleb dara, imik heikek ara, nimi gong longowoka yuba irir aboka salamnaʾ anaso ak kebsaʾ ara, ”Haleluya! Imik Neyung ak or giblenob e! Blebsinaʾ ab, si imik nenenaʾ ab, migib unaʾ ab dara, nunjaʾ Imik Neyung aljaʾ ak ulumla. Alak giblenob e.

WAHYU 7:10

Anya yuba senenggomaʾ bii aboka, ”Nimi blebsinaʾ ara nunjaʾ Imik Neyung senenggom ekla bunaʾ bululanya bek ab hnon, onoʾ domba me ak ab hnon, lanalamla,” alamek.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

LUKAS 2:14

”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,” wenyaro giblemek.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

WAHYU 7:12

lelemekja, ”Amin! Giginaʾ ab, si imik nenenaʾ ab, geremsengaʾ ab, perob aboka gibnaʾ ab, wa bonaʾ amba giginaʾ ab, migibaʾ ab, senenggom unaʾ ab, nunjaʾ Imik Neyung ak dara, or sobaʾ ulmorululul, aldib or unululul!” wenyaro giblemek.