ROMA 11:25 - PERJANJIAN BARU NALCA YUBA

²⁵ Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

ROMA 11:25 Խաչաձեւ Հղումներ

LUKAS 21:24

Nim ara hnonda yin adya hyakaʾ obnesak, hnon nim era, henga geregoka yok sokok sam bo binisak. Yahudi gom nim edya Yerusalem heik ara, yan ingib sabdibigimeija ara, Imik Neyung adya unubdaknamak amlya sum era, gigiwanamla,” hyok.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

WAHYU 10:7

Dara, sek lero edya alja benggonga yuba lelemnamlya sum era, Imik Neyung adya alja wa wen nang ek hnon, ununumnaʾ len nang enyek, seleb wenyalamok sok, Imik Neyung adyaʾ gunuwokaʾ ara gigiwanamla,” alamok.

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

2 PETRUS 3:8

Bok nadyaʾ hemyabo nim o, ban nadya lebnesinaʾ banyek hyak mekaʾ hibiganggunulumaʾ ara ban: Imik Neyung adya senelamla dara, li hnonok ara gibnaʾ denga salyaʾ anaso uboka, gibnaʾ denga salyaʾ ara, li hnonok anaso ulumla. Alak dara, nidyaʾ ara hnonok ok ulumla.

1 KORINTUS 10:1

Nadya hem yabo nang o! Hemyab ugunda nunja neyung yabo youmaʾ nang, Musa bek diriga balamek sum enyek, sikenek unulusukaʾ anyek, pe seinililulumaʾ aboka beknaʾ neksin. Sikda nidyaʾ debaʾ adya siklewoka bo balasuukanya, onoʾ nidyaʾ senenggomaʾ mek gwan pik goubuka balamek.

ROMA 1:13

An nenyek ok gom, nadya hemyabo nang, alda nadya ugunuk younunaʾ ulumna damok enyek, ugunda ella danalum senelamna. Bok al danyek mouruwoka sumeneba, yok mok soko nim ek doka moulumlaʾ eillilamna sok, ugunuk doka ulumlyaʾ anyek eiblyek senewoka, yokaʾ adya salalenel.

1 KORINTUS 12:1

Wenyek dara, Imik Neyung Geisinya adya wa wenaʾ migibaʾ yok-yok eleklesilaʾ ak lebnamna. Hemyab o, ban yuba damok enyek dara, hyak pe dibaʾ ella danasom senelamna.

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

YOHANES 10:16

Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

ROMA 9:18

Anasa Imik Neyung ara alda ganya doboka heknyek angoo yadyek ganya boboka arawanamna senenanya bek aralamla. Anya heknyek ganya gasa nenewanamna senenya bek ganya gasa unaʾ benyek an beillilamla.

ROMA 11:12

Anasa sikja meknenaʾ enedya, mok soko ara dub gebeyiweekanya, sikja mek ok unaʾ era, yok mok soko nim emba dub danganaʾ ulumla, dara hyak nauba so ara sikenek pe munaʾ gobdo pewousuk.

ROMA 11:24

Dara ugunda salyaʾ beiyik bongomna Zaitun gal enesoʾ anyek seleb garawousuk dara, ugunja unaʾ ek keeboka dara, nera unuwanggunumso bok, ugunda Zaitun nim adya pe melemaknya nenesoʾ anyek seleb garawoka dobsuk. Bok hyak nauba so ara sik ban sikja nimi yilaʾ sunuwoka, sikja Zaitun gal yokaʾ nong ak an soboka mebnamla anyek hnon nauba so.

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

1 KORINTUS 4:1

Anasa nuk dara, wera Imik Neyung adya gegemokaʾ anyek, nuk elegosuk nim uboka, kristus ak arawoka welemak nang ulumak alasinok.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

EPESUS 4:18

sikja ganya era seleb gunaʾ dousuk. Onoʾ sikja ganya era ongibsukaʾ anasa, sikda hyak elgom so uboka, Imik Neyung embengaʾ eleklesilaʾ ak ab loboka, beiyik gebdangoka ulumak.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.