ROMA 11:20 - PERJANJIAN BARU NALCA YUBA

²⁰ dara perob! Sikda an unu bologokaʾ ara, sikja ganya dib senenaʾ orok anasa unuwok. Anya ugunda jongaʾ ikoka mel-mel eiyiwosuk ara, ugunja ganya dib senewolum adya unuwok. Anasa ugunda ganya habmereng henggunulum, bok hyak lok ganya bolomnelum!

ROMA 11:20 Խաչաձեւ Հղումներ

LUKAS 18:14

Onoʾ Yesus adya lebokaʾ ara, ”Anasa ban lebsin, Ban penya nang dara, sikjaʾ ek seleb birik dara, Parisinya bera loboka, alda mok soko amba rupiah molonanya benyek, Imik Neyung adya pemnaʾ gebok. Anasa nimi nidyaʾ imik neneldalamak nang era, sokok nenewanasilikanya, ganya sokok nenebdangoka ulumak nang enyek, imik nenewanasil,” hyok.

RASUL 18:6

Bok anyagan Yahudi nim edya sobaʾ Imik Neyung yub era lobnok aboka derewoka malya nenewoka lelemek anasa leboka, Paulus bedya sikja malya unaʾ era sobaʾ ulusulul aboka alja boksom sam sembejaʾ enyek Korintus heikek malya unaʾ damok ara an alanok aboka haboka yibinunaʾ aboka lemokja, ”Ugunda yokaʾ-yokaʾ damok ugunuk sam malya nenewanasil dara, nera ugun damnya urumunja. Nara ugunuk ara perob, hnon meknenaʾ ara orok. Anasa wenyek moruwoka Yahudi nim ek loboka Yahudi gom nim ek dibaʾ bin,” aboka lemok.

ROMA 11:18

Dara ban al soruk enesa leboka, ugunda hamaʾ daknenggom, mem! Bok ugunda hamaʾ daknelum dara, banyek seiniwanalum, anera ugunda an yareng enyek an maknenggublum, bok yareng enedya ugunuk an makal yousuk.

ROMA 11:21

Nera Imik Neyung ara men gal soruk yokaʾ enyek wanaʾ unggulumso dara, wera albabya ugunuk wanaʾ ubnenggunusil.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

ROMA 3:3

Anasa, har so do? Wera sik gangganek hnon dib senenaʾ orok adya, wera ban ganya enedya Imik Neyung adya bojam usinaʾ era, orokaʾ gebneseng de?

1 KORINTUS 10:12

Anasa, pe sekemna senelelam nim era, malyinggimenek aboka, pe keeboka seklom.

1 KORINTUS 15:1

Nadya hemyab o, wenera nadya youmaʾ enyek ugunuk perob lero yanggan yuba leb elegeisisaʾ anyek, saawoka bekiyiwanesin. Ugunda ban elegeisisaʾ yub enyek doboka, onoʾ pe seklelum.

1 KORINTUS 16:13

Ugunda hyak yuba dib senelemak nimi geknebaʾ pe keebmouboka ganya kaboka pe ulululum. Asaʾ ganya boboka, migibaʾ anyek unulululum.

2 KORINTUS 1:24

Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

2 KORINTUS 10:5

Imik Neyung ak ella danganaʾ anyek, malya nenewanobaʾ aboka imik neneldalalanya nidyaʾ golol meneklemab. Nunda yok-yok seininaʾ lanalamlaʾ nidyaʾ ara, Kristus senelamlaʾ ak bo beil balamab.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

KOLOSE 2:7

Hnonda ugunda alak yareng elegoka, onoʾ al ab migib danggiga balalulum. Anya ugunja dib senenaʾ ganya ara, ugunuk nekesikaʾ sunuwoka, migibaʾ nenewoka, eiyasaʾ sobaʾ gibildolunun ganya hogung enyek sobaʾ boro balalulum.

2 TESALONIKA 2:4

Wera, alda hyak dengdang ganya boboka, nimi malya nenewoka al nong nim adya giblemakaʾ anaso imik nenebdangoka, hnonda nim adya dara, Imik Neyung ak giblemakaʾ ara an senelemakaʾ nenebdanamla. Orokaʾ anaba al nong ara, Imik Neyung yokaʾ ek sam bukoka, nara Imik Neyung ara an aboka sondaʾ amba laga lebdanamla.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 3:19

Wera anasa, sikda Imik Neyung ak dib senenaʾ orok adya, weknenggubekaʾ ara, nunda seleb eillilimab.

IBRANI 4:11

Men nim edya keboka pe unaʾ orok adya sikda malyinggilimek sok, numba ben hnon unuwalyek aboka, Imik Neyung adya dek-deka sonaʾ ak weknobaʾ aboka, perob so pik era sobaʾ duboka elemnemab.

IBRANI 4:6

Perob yuba men kemek nim era, keboka pe ununaʾ orok adya, dek-deka sonaʾ ak ara, gigiwoka dobnenggubek. Wera anasa laga geknelamlaʾ ara, nimi hnon yok nim ek lunuwoka anyek an wekel binimak.

YAKOBUS 2:19

Ugunda Imik Neyung ara al hnonok ulumla senewoka dib senelelum gom? Nera onoʾ bisaʾ anaba alba dib senewoka, lok anasa ber-ber alamla.

YAKOBUS 4:6

Ban ununaʾ anaba, Imik Neyung adya nuk elegosuk wanaʾ uboka arasinaʾ enyek hyak senenggomaʾ ulumla. Ban nenesa leboka Imik Neyung yuba bukuk sam ara, ”Imik Neyung ara, ganya imik nenewoka ulumak nim ek lek senelesilikanya, ganya sokok nenebdangoka ulumak nim ek wanaʾ uboka aralesil,” aro momnya dobok.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

1 PETRUS 5:9

Nimi nidyaʾ nunjaʾ hemyabo mok soko me nidyaʾ sikba igina kweboka numba gweklemab sok gweklemak bok anasa, Iblis ak ara, ugunja yuba dib senen ganya enyek hyak nauba adya alak ara pe welsinilelulum.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.

WAHYU 3:17

Dara anja lelelamaʾ ara, nara bonaʾ dubnya uboka, yokaʾ-yokaʾ nidyaʾ sangaʾ ok ulunel aboka, anasa yokaʾ-yokaʾ ak ara, bunya buknenggunusinya, alalam. Bok an nong ara hyak malya nongaʾ anyek senggeiriwoka igina kwelenggel bok, ella unggululamakanya lelelam! Anda bonaʾ garan uboka, akleng ongonaʾ orokaʾ anyek, henga luma yajokaʾ ak ululam.