ROMA 10:19 - PERJANJIAN BARU NALCA YUBA

¹⁹ Bok nara heibnesin: Dara Israeli nim era anyek lel yabel senewoka dobek de? Musa bera hyak men wenhyok, ”Nunja nim gom bok, ugunda siksamba leboka ganya angoo senewoka oka dusulul aboka, nadya ugunuk ganya en gebnamnakanya, ugunda yok elgom mok soko nim ek wablulumaʾ aboka, yu ganya nenewanasin,” hyok.

ROMA 10:19 Խաչաձեւ Հղումներ

ROMA 10:18

Anasa nara ugunuk heibsunun: Wera sikda kenggulumek de? Sikda seleb kelemek bok, ”Sikja salamek anyek koblemok yub era mok soko nidyaʾ obdangoka, sikja salamek yub era mok soko dagalongnaʾ nidyaʾ ob lelemok.”

ROMA 11:11

Dara nara heibnesin: Sikda ouluka dibek anasa malyingginimak de? Hyak orok nong! Bok sikja meknenaʾ enesa, sikda soloma dabsulul aboka, blebsinaʾ damok ara yok mok soko nim ek byuk.

ROMA 11:14

Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

ROMA 3:26

Ban unuwok ganya era, wen ulumab salek enebabya, alja pe unusinaʾ ara laga dolulaʾ aboka unuwok. Anedya alda dib nongnya ulumlakanya, nimi Yesus ak dib senelemak nang era perobaʾ nenesinaʾ ara laga dolul aboka ubuk.

1 KORINTUS 1:12

Nadya wenyhenya nera damok ara, ugun gangganek ara hnon ara lelelumja, ”Nara Paulus bek diriga balamna,” hnon nang edya dara, ”Nara Apolos bek diriga balamna,” onoʾ yok hnon nang edya dara, ”Nara Kristus ak diriga balamna,” alalumaʾ anasa lebsin.

1 KORINTUS 10:19

Ban wenyhenya nera damok ara, har nesa lebna do? Giblemakaʾ ak beil balamak denaʾ gom, giblemakaʾ nong ak gom, nidyaʾ ara dib nongaʾ hnon ulumlaʾ anasa, lelemna de? Orok e!

1 KORINTUS 11:22

Ban unululumaʾ ara hekasa unululum do? Ugunja gwaneng den damba meka den damba, e dibaʾ unggulusil de? Meka deregoka ululum de? Goma, ugunda Imik Neyung yuba donaʾ nim ek malya nenewoka, bonaʾ garan ulumak nim ek alya nenewanobaʾ aboka, sene ululum de? Ban unululumnya nenesa, nara hekaʾ ak ugunuk lebnesin do? Ban nenyek sikda pelemak aboka ugunuk gigiwanasisinya de? Hyak orok. Nadya dara, ugunuk hyak gibnenggunusisinya.

1 KORINTUS 12:2

Ugunda Wenelesilnya bek anam elgom ululum salek era, ugunda yuba gomnya giblemakaʾ ak gliboka bo balasuk.

1 KORINTUS 15:50

Hemyab o, nadya ban wenyhenya nera damok ara banasa lebna. Nunja nong eneng ab ara, Imik Neyung wenesin heikek wekel binggunumab. Dara onoʾ, nunja somoknaʾ nonga ulumabaʾ anara, pe ulmoubnaʾ damok nonga danggunumla.

1 KORINTUS 7:29

Hemyab o, nadya lelenanya nera, damok ara banasa lelemna. Nu ulumab salek enera wera mekaʾ me ubla. Anasa wenyek danyek moruwoka, gela yak nang era, gela dobnenggomnya beneso ak ulumnamso.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.