ROMA 1:3 - PERJANJIAN BARU NALCA YUBA

³ Alja me nek dara, nim ek sam dara, Daud nang yilaʾ ak ab beibek;

ROMA 1:3 Խաչաձեւ Հղումներ

MATIUS 1:1

Yesus Kristus beiyimek nang yilaʾ, Abraham bek ab uboka, Daud dubnya bek ab uboka, ulumek nimi si ara ban. Anasa Abraham bek abaʾ ara, Daud be ulumok salek enyek uboka Yesus beibek nimi yilaʾ era ban:

MATIUS 1:16

Yakub bedya me nera Yusuf. Dara, Yusuf bedya gel gera Maria. Anya ban Maria gedya danyek, Yesus ara beibuk. Yesus ara onoʾ Kristus aboka si silimek.

MATIUS 1:6

Isai bedya dara, Daud be dubnya beibuk. Wera onoʾ Daud bek abaʾ ara, Yehuda sokok nimi henga gouboka Babel heikek beil bisik salek ulumek nimi si dara, ban: Daud bedya me nera Salomo (alja genong gera men dara Uria bedya domok),

MATIUS 12:23

Nimi nidyaʾ eiyimek nim era, ganya loka daboka, ”Ban benera Daud nang yilaʾ an goma?” aboka lelemek.

MATIUS 15:22

Kanaan mok eb gel ge hnon, Yesus ak bii aboka lebgiga yalamokja, ”Daud bedya me o, nak angoo yadyek ubneya e! Nadya gelma era bisaʾ wekdoboka, hyak nauba gweklamla bar,” aboka lelemok.

MATIUS 26:63

Bok Yesus ara yuba hnon doro sabnenggubok. Wenyek Imik Neyung yuba wa gakaʾ dubnya bedya, ”Imik Neyung embengaʾ ululanya bemba leboka, anda Kristus, nimi blebsinaʾ dubnya, Imik Neyung bedya me ululam gom, orok gom aboka wenyhesilom,” hyok.

MATIUS 27:43

Alda Imik Neyung dib senelamlakanya, nara Imik Neyung bedya me aldalamla. Wera anasa, Imik Neyung alja senemlyaʾ dara, laga blebel yabalyaʾ ak eibnob,” wenyaboka derelemek.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MATIUS 9:27

Wera onoʾ Yesus ara anyaganyebaʾ goboka bok dara, nimi penya heng lum nang moumenaʾ eimik dobdo birik. Dara penya nang enedya dara, ”Wei, Daud mamnya o, nuk angoo yadyek senewoka araweisiya!” aboka lebdek.

LUKAS 1:35

Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

LUKAS 1:69

Alja wa wenya Daud be pik nang yilaʾ ak ab uboka, alda nusamba blebsinaʾ bonga hnon sekiyiwal.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:34

Dara, ban eiyimsakanya, ban benera, Imik Neyung alja me ulumlaʾ ara alan aboka laga lelesin,” hyok.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 10:30

Nab Neyung beb dara, hnonok ok ulunam,” hyok.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 5:25

Ugunda ban nadya lebsinaʾ anyek dib senewanalum, seleb somogorob nim era, Imik Neyung bedya alja me nedya yuba keboka embengaʾ buknemak salek era, eimik yanamlaʾ hnon, weneba seleb yeiniboka ulumla amna ara, ugunda dib senewanalum.

YOHANES 7:42

Imik Neyung yuba momnya dobokaʾ ara, soko nimi blebsinaʾ dubnya Kristus bera, Daud nang yilaʾ ak bok anasa, Daud ulumok heik Betlehem heik ab ara yanamla hyok,” aboka lelemek.

RASUL 2:30

Imik Neyung adya orowek seleb poboka, Daud be pik uboka an nang yilaʾ gangganek ab, Imik Neyung adya dubnya hnon sekiyiwanamla aboka leb elegemok. Daud bera alda ununumnaʾ lenya ulumok adya, Imik Neyung adya alak dib unuwanamna amokaʾ ara, eimik era dib unuwanamla senewoka ella uboka diri ulumok.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

ROMA 1:9

Nadyaʾ ugunuk seinilisinaʾ beknaʾ aldib anaʾ dibaʾ ara, Imik Neyung adya, alja me nedya perob lero yanggan yub wa pik uboka, nadya ganya gouluwoka laga welemna pik an ella ulumla.

ROMA 4:1

Wera anasa, nunjaʾ neyung yabo sikjaʾ neyung Abraham be hyak youmaʾ ulumoknya bemba dara, hek henemab do?

ROMA 9:3

Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

1 KORINTUS 10:18

Ugunda Israeli nim enyek, pe seiniwolulum. Imik Neyung amba beil bilimna bonaʾ enyek, doboka delemek nim era, al denaʾ beil balamnaʾ ak ara arawoka neikaʾ welemek.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

1 TIMOTIUS 2:5

Imik Neyung ara al hnonok ok ulumlakanya, nim ab Imik Neyung ab hnoumunga wiknenanya soko nang doknya bera, Yesus Kristus hnonok gobdo ulumla.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

2 TIMOTIUS 2:8

Banyek pe beknelam: Nadya perob lero yanggan yuba lero yeilimsaʾ ara, Daud nang yilaʾ ak abnya Yesus Kristus nimi somoknaʾ damok ak ab seleb embengaʾ suboka welewokaʾ ara, beklemnelam.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 YOHANES 4:15

Heknedya Yesus ara Imik Neyung bedya me aboka laga lelemla dara, Imik Neyung ara al lomok ulumlakanya, bera onoʾ Imik Neyung lomok ulumla.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 YOHANES 5:5

Heknedya sokok an yokaʾ-yokaʾ ob lamaganamso do? Al Yesus ara Imik Neyung bedya me yokaʾ ulumla aboka dib senelelanya bedyok ol lamaklamla.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

WAHYU 2:18

Tiatira heikek yuba donaʾ nimi lero ek ban unuwoka momnya dobnelam: ”Ban yub enera Imik Neyung bedya me, alja heng era uk bokaʾ laralamlaʾ anaso uboka, alja yan era gabya silikaʾ uka damnaʾ ak seng-sengaʾ mengewoka delemlaʾ sokaʾ ak delelanya bedya, yub ek ulumla.