ROMA 1:20 - PERJANJIAN BARU NALCA YUBA

²⁰ Alak ab laga danganggulumlaʾ ara, aljaʾ migibaʾ ulmorulamlaʾ ab, aljaʾ Imik Neyung unaʾ dibaʾ an hnon, bok alja soko uyiwok salek ab mouruwoka, an penya damok era, seleb eillilimak anasa, eilinggulumaknya nera, anyeganyeb ella dangalamak anasa, sikda sene bobnenewoka anasa-anasa henggunuseng.

ROMA 1:20 Խաչաձեւ Հղումներ

MATIUS 5:45

Anadya ugunda imik ululanya bedya mabo danalum. Anasa wera, Imik Neyung ara henga dingillilimla dara, hnonda pe ulumak nim emba hnon, onoʾ malya ulumak nim emba hnon, dingilamla. Dara moka yalamla dara, hnonda pe ulumak nim emba hnon, onoʾ malya ulumak nim emba hnon yalamla.

MARKUS 10:6

Bok men ullilisuk sum ek abaʾ moruwoka, nengma ab, gelma ab dara, Imik Neyung adya uyiwosukaʾ ak ulurak.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 15:22

Nak yanggusinyekanya, ban sikenek wenyanaʾ orok dara, malya unaʾ sikenek unggulumnususo bok, wenyek dara, sikja malya unaʾ orok senen lebnengguneseng.

RASUL 17:29

”Wei, wera nunda Imik Neyung bedya mabo yokaʾ nong ulumab dara, nunda Imik Neyung ak, emas girik anaso gom, perak girik nenenaʾ gom, onoʾ nimi ganya geremseng adya sunuwoka unulumaknya nek, nera Imik Neyung yokaʾ nong ara an senenaʾ ara mem.

RASUL 22:1

Paulus wenhyok, ”Neyung yabo hemyab o! Nadya wen ugunuk yuba garabdanamna. Anasa keblulum.”

ROMA 1:19

Sikja Imik Neyung ak ella ubnesengnya nera, Imik Neyung ara sikinek seleb laga nenebdangamok anasa, siksamba beknaʾ laga ulumla.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 2:1

Wera anasa nim o, or anda heknyeneba, anda yok nang ek yana lelelelam bok, ambabya meknenaʾ ak ab goʾ unggululam. Anda yok nim ek yana lelelesilimnya beneba, al neiknya nenyek ambabya unululamaʾ anasa, anda yok nim ek yana lelelesilim salek era, wera an dam nang ak yana leleldalalam.

ROMA 2:15

Wera anedya, ban Yahudi nim emba unuwanalum an yub ulumlaʾ ara, sikja ganya lomok momnya dobsukaʾ, sikda laga amal dalamakaʾ ara an. Dara, sikja ganya ak yuba laga lenaʾ ab, sikja ganya era pelamaʾ, meknelamaʾ alamlaʾ ab, wera anyek beknaʾ dibaʾ ulumlaʾ ara an.

1 KORINTUS 1:20

Geremseng nimi dibaʾ ara hanyagar ulumak do? Sokok an yuba neksin nang dibaʾ ara, har sam ulumak do? Imik Neyung adya sokok anyagan geremseng ulumakaʾ ara, orok nenemokaʾ anano?

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

KOLOSE 2:9

Hnonda Kristus alja nong yokaʾ ara, Imik Neyung ganya ulumlaʾ nidyaʾ ara alak gobdo ulumla.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

IBRANI 11:27

Dara ganya dib senenaʾ adya, Musa bera dubnya be wabnelyek senewoka loka dabnenggubookanya, alda Mesir mok soko lobok. Anya alda lak gomnya nenyek heng yokaʾ bekoka eiyimnaʾ anaso anyek kemeldablemok.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.