RASUL 5:16 - PERJANJIAN BARU NALCA YUBA

¹⁶ Dara, Yerusalem moka heik berem ulumok heik nim gong era, sikja neiknaʾ nang boboka nauba mamaklemek. Dara, neiklamna nim eb, bisaʾ gologosin nim eb, hwebsinok aboka bo yalamek dara, nidyaʾ meriyiwoka hwelesik.

RASUL 5:16 Խաչաձեւ Հղումներ

YAKOBUS 5:16

Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

LUKAS 9:11

Bok nimi nauba ara byikaʾ anyek ella uboka, sikbabya Yesus ak dobdo byik. Dara Yesus adya sikenek pe youlum aboka, Imik Neyung adya hekaʾ huboka wenelemnesilaʾ anyek neklesuk. Dara onoʾ hnonda sik gangganek sam nimi nauba neiknaʾ anasa hwebnamen ubnanya nera hweboka meiriyisuk.

LUKAS 5:17

Onoʾ yok sum enyek, Yesus ara anam neklesuk salek enyek, anyagan ara Parisi nanga hnon, Yahudi Imik Neyung yuba neklesik nanga hnon bulumek. Sikda Yerusalem ab hnon, Galilea sokok ab, Yudea sokok nimi heikek ab, nimi nidyaʾ yeilimek. Wenelesilnya bedya migib era, neiklemek nim ek hwebsululaʾ aboka, Yesus ak ulumok.

MATIUS 8:16

Wera seleb sin dangal yabok dara, bisaʾ goloklesuk nimi nauba Yesus ak bo yeilimek. Dara Yesus adya yuba mousa hnonoknya nedya ok saboka, bisaʾ yakoka, neiklemek nimi nidyaʾ merellilisuk.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

1 KORINTUS 12:9

Dara onoʾ al neik Geisinya bedya, dib senewolulaʾ aboka migibaʾ eleklamla. Onoʾ neik Geisinya bedya hnon nim ek, nimi merellisin migibaʾ damok eleklamla.

MATIUS 2:16

Wera Herodes bera guraʾ kemero yeilimek nang edya, alak sondaʾ lebekaʾ eibuk dara, alda hyak yu ganya bobok. Anya alda Betlehem heikek memabo gibnaʾ penya uboka onu sam beibsik mab era nidyaʾ obnelum aboka orugosuk. Ban unuwoknya nera guraʾ kemero yeilimek nang edya, ban salek eiyimoub aboka alak wenyameknya nenesa sunuwoka unuwok.

RASUL 5:15

Dara, yokaʾ-yokaʾ hyak senenggomaʾ anaba dib dangalamok wek adya, nimi neiklamna nim era ekla manaʾ ak dubuk gom, esonaʾ yanganaʾ ak gom, mayiwoka pikik nimi yabalamna ak bo beil balamek. Wera, Petrus be yabelya dara, alja ganya yamaʾ edya hnon nim ek dara, bebegeisilya dara, merewanok senewoka unulumek.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

LUKAS 6:18

Dara sikda yalameknya nera, hnonda Yesus adya Imik Neyung yuba lelemokaʾ anyek kelenobaʾ aboka yalamek, hnon nim era, sik neiknaʾ neiklemekaʾ anyek hwebsululaʾ aboka yalamek. Dara onoʾ sik bisaʾ goloklesuk nim eneba bisaʾ yakoka merellilisuk.