RASUL 18:8 - PERJANJIAN BARU NALCA YUBA

⁸ Dara, Imik Neyung e damnya Krispus bera, alja mabo gelewa nidyaʾ ab, Wenelesilnya bek dib senewoka domek. Dara, nimi nauba Korintus nang eneba yuba keboka dib senewoka yuba dolomek dara, sikbabya meka dasik.

RASUL 18:8 Խաչաձեւ Հղումներ

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

MARKUS 5:22

heik enyek an Imik Neyung e damnya, alja si Yairus bera yeindeboka, Yesus ak okoka eibuk dara, koma lumugoka oumuwoka gibuk.

MARKUS 5:35

Wera Yesus ara, anam yuba salamok sab-sab, Yairus bedyaʾ wa wel aran nang era yeiniboka, ”Neyung, anja gelma era seleb somogamlaʾ anasa, neksinya bek hnon lobaʾ nenenggom, mem,” hyek.

RASUL 10:2

Alda Imik Neyung ak lok ganya boboka ulumookanya, alja mab eb nimi nidyaʾ neik so lok ganya boboka pe ulumek. Alda Yahudi nimi bok bonaʾ garan ulumek nim ek arawoka, onoʾ alda Imik Neyung ak hyak sobaʾ molomok.

RASUL 11:14

Petrus bedya alja ugunuk, Kornelius anab, anja mabo silibaʾ e gekman blebnesuk yuba ugunuk neknesil henyok, aboka nuk neksuk,” hyok.

RASUL 13:15

Dara, Imik Neyung e nenyek an yuba donaʾ dub nang edya, Musa bedya unuwanalum an yub eb, ununumnaʾ lelemek nang edya lemek yub eb, einimekaʾ seleb dara, anyagan Imik Neyung e dam nang edya Paulus bek alja hemyab eb dak, ”Wera ugunda ganya gwelelek an yuba hnon ulumlya dara, or an longowak nang ek an wenewanasurum,” aboka molomek.

RASUL 16:34

Wera nimi henga gereksinaʾ dubnya bera Paulus beb, Silas beb, alja ek sam eboka bo biniboka denaʾ siksamba urusuk. Dara alab, alja ek nimi nidyaʾ Imik Neyung ak wen dib senewab senewoka, sikja ganya ak eiya dasuk.

RASUL 18:1

Ban nen seleb dara, Paulus bera Atena heikek ab ara Korintus heikek byuk.

RASUL 18:17

Dara wenyek, sikja Imik Neyung e damnya Sostenes bek salawoka yana lelesinaʾ saramek ab olomek. Bok Galio bedya, nera alba eibnenggumla de senen dogom aboka ulumok.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

RASUL 8:12

Bok, Pilipus bedya sik Samaria nim ek, Imik Neyung yuba leboka, nimi blebsinaʾ dubnya si Yesus Kristus adya, eimik wenelemnesil aboka lelemok dara, Samaria nim era Pilipus bedya lelemok yub ek dib senemek. Dara, sikda gelewa anaba, nengmab anaba, nidyaʾ meka dalasuk.

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

2 KORINTUS 1:23

Nara Korintus heik yanggubsaʾ ara, ugunja ganya soloma neneweisinyek aboka ubsaʾ ara, nadya unu seiniwasenya neneba, Imik Neyung ara ella ulunel.

2 KORINTUS 6:11

Ugunda Korintus heikek ululum nim o! Nunda ugunuk hyak nidyaʾ lelewoka laga lebsab. Nunja ganya seiniwoka bolomabnya nera nidyaʾ laga poboka lebsab.

2 TIMOTIUS 4:20

Erastus bera or Korintus heikek ululabok, Trofimus bek dara, neikel yabok bok, Miletus heikek alda lo yasa.