RASUL 14:7 - PERJANJIAN BARU NALCA YUBA

⁷ Dara mok heik enyegan biniboka, Imik Neyung perob lero yanggan yuba lero yabalerek.

RASUL 14:7 Խաչաձեւ Հղումներ

RASUL 14:21

Derbe heik ara, Paulus beb, Barnabas beb dara, Imik Neyung adya perob lero yanggan yuba lelerek dara, nimi nauba Yesus ak dib senewoka domek. Ban nen seleb dara, sikda on pik Listra heikek yarek dara, onoʾ anyaganyeb uboka dara Ikonium heikek yarek, wera anyaganyeb dara, onoʾ Pisidia moka Antiokhia heikek birik.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

RASUL 16:10

Wera Paulus bedya lendara wenyaboka maboka bukoka dara, nunja dara, anara Imik Neyung adya mok enyegan nang ek sam Imik Neyung yuba leb eleganok aboka lebla senewoka, men li pe mab lobla wenyek Makedonia sam binob aboka meebdangamoub.

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

RASUL 17:2

Wera Paulus bera on ulumok so wek adya, alda Yahudi nang edya Imik Neyung ek byuk. Dara, Imik Neyung yuba momnya dobokaʾ anasa leboka, sikda neikaʾ ganya amomaʾ ubdangoka ulumek. Dara, Paulus bera ban unulumok salek ebaʾ moruwoka Sabat mem sum li winilya gobdo lemok.

RASUL 11:19

Wera Stefanus bera seleb obek dara, Imik Neyung yuba dolomek nang era, doboka olosik. Dara yok heik yok heik bok sen-senem abgokoka ulumek. Dara, bokdangoka hnonda Fenesia sam yeiri balamek dara, hnonda Siprus sam balamek, hnonda Antiokhia sam balamek. Dara, sikda Imik Neyung adya perob lero yanggan yub era Yahudi nang yokaʾ nong ok leb elekdo yabalamek.

RASUL 8:4

Wera, Imik Neyung yuba dib senewoka domek nang sikenek doluwoka olosikaʾ anasa, doknol balamek ak sam nidyaʾ ara, Imik Neyung yuba nauba leb elekdo yabalemek.