MATIUS 6:34 - PERJANJIAN BARU NALCA YUBA

³⁴ Anasa wera, ampum amba dara, ganya daldom-daldom anaʾ ara yok ubnelabok anasa, ugunda ampum amba ganya daldom-daldom anggom, mem. Sumen ok malya nauba dangalalanya nera yok anasa, onoʾ ampum amba ganya hnon daldom-daldom anggulumnesibya,” hyok.

MATIUS 6:34 Խաչաձեւ Հղումներ

MATIUS 6:25

”Anasa wera ugunuk banyek lebsin, Ugun nong unaʾ emba dara, ugunda ganya daldom-daldom anaʾ ara mem. Nera ugunda ongowanasomaʾ amba gom, ugun denesomaʾ amba leboka ganya daldom-daldom anggom, mem. Nimi nong unaʾ ara mek so bok, denaʾ ak dara, nauba perob so de? Goma, ongon akleng enyek perob so bok, nong anyek dara, malya so de?

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

LUKAS 11:3

Lika sob-sobaʾ nunja denaʾ denemeibyaʾ ara eleklesilom.

MATIUS 6:11

Nunja sumen denemabnya nek sunuwoka, or doboka elegeisilom.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

MATIUS 6:27

Ugun gangganek nimi ben hnon, ganya seininaʾ mandebnaʾ adya, alda pe goʾ nauba ubwenewanamso de?”

LUKAS 10:41

Danyek Wenelesilnya bedya lebokaʾ ara, ”Marta, Marta o. Anak dara, yokaʾ-yokaʾ ganya ok dokoka seiniro balalam.

LUKAS 12:11

Ugun nong anyek, Yahudi nim edya yuba don ek sam gom, wenewoka bo usin nang saramek gom, senenggom dub nang hogung ak laga yana leleweisinobaʾ aboka bo binisak dara, ugunja dara, nunda hekaʾ huru yuba garabdanamab gom, hekaʾ lebnemab gom, aboka ganya daldom-daldom anaʾ ara mem.

LUKAS 12:22

Dara onoʾ Yesus ara alja yuba doro diriga ban nang ek, ”Ban nenesa nadya lelesinaʾ ara, Ugunja nong unaʾ enesa leboka ganya daldom-daldom aboka youmburaʾ debnaʾ ara, mem. Nunda hekaʾ denemab gom, hek akleng ongowanamab do aboka youmburaʾ debnenggom, mem.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

1 PETRUS 5:7

Imik Neyung adya ugun nong ak wanaʾ ulusilaʾ anasa, ugunuk an ganya elesilaʾ nidyaʾ ara nunda unulusil aboka alak elegoululum.