MATIUS 4:4 - PERJANJIAN BARU NALCA YUBA

⁴ Anasa Yesus adya dara, ”Imik Neyung yuba bukuk sam momnya dobokaʾ ara, Nim ara gwaneng adya ok embengaʾ unggulumak bok, alda nidyaʾ Imik Neyung adya lelemla yub edya hnon embengaʾ ulumak,” hyok.

MATIUS 4:4 Խաչաձեւ Հղումներ

MATIUS 15:11

Sibamaʾ ak sam weklelanya nedya nim ara sembejaʾ gebnenggulusil bok, alda sibamaʾ ak ab ara goboka beiyik yabalelanya nedya danyek hnonok, nim ara sembejaʾ geblesil,” hyok.

MATIUS 4:10

Yesus adya Iblis ak, ”Satan o, anda hyak bilom! Imik Neyung yuba bukuk sam momnya dobokaʾ ara, Anjaʾ Wenelenggelnya, Imik Neyung bek giblemenekanya, alak ok arawoka welelom! wenhyok,” hyok.

MATIUS 4:7

Yesus adya Iblis ak ara, ”Bok onoʾ Imik Neyung yuba bukuk sam anaba hnon momnya dobokaʾ ara, Anda anja Wenelenggelnya Imik Neyung bek sunulyamanaʾ ara mem, wenhyok,” hyok.

MARKUS 7:20

Onoʾ hnon lebokaʾ ara, ”Nimi ganya lomok ab goblelanya nedya, gobnanya bek ara malya ullilimla.

LUKAS 4:12

Wenyek Yesus adya alak lebokaʾ ara, ”Imik Neyung yub ulumlaʾ ara, Anda anjaʾ Wenelesilnya Imik Neyung bek ara sunulyamenggom, hyak mem, alamla,” hyok.

LUKAS 4:4

Bok, Yesus adya Iblis ak lebokaʾ ara, ”Momnya dobokaʾ ara, Nim embengaʾ ulumakaʾ ara, roti gwaneng adyok embengaʾ unggulumak,” hyok.

LUKAS 4:8

Bok, Yesus adya Iblis ak saaboka lebokaʾ ara, ”Momnya dobokaʾ ulumlaʾ ara, Anja Wenelesilnya Imik Neyung bek ok giblemenekanya, alsamba ok unululom, wenyaboka momnya dobok,” hyok.

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

YOHANES 6:63

Embengaʾ ulmoubnaʾ dibaʾ ara Imik Neyung Geisinya adya eleklesil. Nimi nonga migib ara nera salyaʾ nong anasa, nadya ugunuk lelesin yub era, ganya ak anasa, sikda embengaʾ ulumak.

ROMA 15:4

Anasa nidyaʾ yokaʾ-yokaʾ men danyek momnya doboknya nera, nuk anyeganyeb ella danamak senewoka seleb unu momnya dobok. Wera anedya nunda pe ganya gouluwoka salabmoubnaʾ ab, geisa Imik Neyung yuba momnya dobokaʾ ak ab ganya sangaldisinaʾ ab dadya, ganya welemnamab aboka unuwok.

EPESUS 6:17

Ugunda nimi blebsinaʾ damok anyek, girik huk goulunaʾ dibaʾ goulumunukanya, Imik Neyung yub ak dara, Imik Neyung Geisinya bedya yina mala dibaʾ doboka bolomnelum.