MATIUS 3:6 - PERJANJIAN BARU NALCA YUBA

⁶ Anya, sikja malya unaʾ eib kweboka laga lelemek dara, Yohanes bedya Yordan mek ek dalasuk.

MATIUS 3:6 Խաչաձեւ Հղումներ

RASUL 19:18

Dara onoʾ nimi nauba Yesus ak men dib senemek nang era, nimi hnoum yeiniboka youmaʾ sikja unulumek malya unaʾ laga lero balamek.

1 YOHANES 1:9

Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.

IBRANI 9:10

Anasa nimi ganya adya, masa denaʾ ab mek ab yokaʾ-yokaʾ adya geisa nenebdanobaʾ aboka unulumek ununaʾ era, or nim ek sam anasa unulumek. Nera unubgiga balamekaʾ ara, gobdo pe memesinaʾ salek dok dara, ban nim ek samnya nera angawok.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

IBRANI 6:2

mek danaʾ yuba hnon, nimi soruka diyiwoka heng ubokaʾ len yuba hnon, somogamna nimi suboka embengaʾ bunaʾ yuba hnon, igina yakaʾ ubmoruwanesil yuba hnon, nenyek egomnaʾ dibaʾ saawoka iknenggulumnamab.

KOLOSE 2:12

Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.

1 KORINTUS 10:2

Sikda nidyaʾ ara, meneng bo balasuk debaʾ lomok ab, onoʾ goubuka balamek mek gwan eb dadya, Musa bedya mabo dangoka bo balasuk nim ek, meka daleng sok ubsuk.

RASUL 22:16

Anasa wenera anyagan ul mandenaʾ ara mem. Anda bukoka sekmenekanya, Wenelesilnya si ak molowoka, anja malya unaʾ ara gebgululaʾ aboka, mek danaʾ doblom, anyok,” hyok.

RASUL 11:16

Wera danyek, Yesus adya nuk lesuk anyek seiniwasa, Yohanes Pembaptis bera mek dem adya meka dalasuk bok, ugunuk dara, eimik era Imik Neyung Geisinya adya mek dibaʾ dabnesil, amoknya nek seiniwasa.

RASUL 1:5

Dara, Yohanes Pembaptis bera, alda mek dem adya ok dalasuk bok, mek anam mandewal henggonggom ugunuk Geisinya adya mek dibaʾ dabnesil,” hyok.

LUKAS 3:16

Anasa wera, Yohanes Pembaptis bedya sikda nidyaʾ ak lebsuk ara, ”Nadya dara, wenera mek dem adya dalasin bok, eimik era hyak senenggomnya yanamla. Alja yan ongonaʾ eneba na meknya bedya dara, henga loboka gwiriwamenggom. Alja danyek, wera eimik era, ugunuk Imik Neyung Geisinya adya hnon, uk adya hnon, mek dibaʾ dabnesil.

MARKUS 1:5

Nimi nauba Yudea moka pik eb nimi hnon, Yerusalem heikek nimi nidyaʾ hnon Yohanes bedya lelemok yub ek kel balamek. Anya sikja malya unaʾ laga lelemek dara, Yohanes bedya Yordan mek ek meka dalasuk.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

YAKOBUS 5:16

Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.

LUKAS 1:16

Dara al adya, nim Israeli nimi nauba sikjaʾ Wenelesilnya Imik Neyung bek sam saaboka doboka bo yanasil.