MATIUS 28:6 - PERJANJIAN BARU NALCA YUBA

⁶ Alda ugunuk youmaʾ wenyasuk sok seleb embengaʾ suboka bukumlakanya, anyagan unggulumla. Wera al diyimong oulyang era, an ekla dema mamlaʾ anyek kendululum.

MATIUS 28:6 Խաչաձեւ Հղումներ

MATIUS 12:40

Yunus bera senenggom hadyaʾ mon lomok sam inimnek yubyek lika winilya mabmorumok. Anasonya neikek, eimik era onoʾ nimi dibaʾ me neneba soko lomok sam inimnek yubyek lika winilya mabmoruwanamla.

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 17:23

Alda oboka dibnemak bok, winilinya sum era, onsok embengaʾ suboka buknamla,” hyok. Danyek alja yuba doro diriga ban nang era, ganya suguwoka, engenaʾ ganya beibsuk.

MATIUS 17:9

Wera sikda meinik abaʾ ara yanggek dara, Yesus adya sikenek, ”Nimi dibaʾ me nera somoknaʾ damokok anam suboka bukiyiwanggulyebok dara, men ugunja eiyilumaʾ ara, yok nim ek salyaʾ nekdo yabanaʾ ara mem,” aboka wenewosuk.

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 27:63

lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

MARKUS 16:6

Bok goubenenya benedya sikenek, ”Ugunda lok ganya bonaʾ ara mem! Ugunda Yesus ban Nazaret mok ebnya, seleb oboka galak glarobnya benyek, elelum. Alda seleb embengaʾ suboka bukumla. Alda anyagan ara unggulumla. Wera al beiyimoungaʾ ak ara, anyek kendululum.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 24:12

Bok Petrus bera alda Yesus dilinaʾ ak sam yeiriwoka bik-bika kemel byuk. Biniboka geiniwoka lomok sam kemelemok enyek, gouluwoka keboka diyimek boksom ok eibuk. Petrus bera nidyaʾ unumokaʾ anyek seleb okoka eibuk dara, alda saaboka ganya gong seinibgiga ek sam yok.

LUKAS 24:23

Bok Yesus adya beʾ gal ara eibnenggumak. Dara onoʾ on pik yeiniboka, ‘Nunda lero nanga hnon eiyimab, dara lero nang enedya Yesus ara seleb suboka embengaʾ bukumla arak,’ aro yeilimak.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 10:17

Nadya nong anyek, saaboka dobnanabok, nim amba somoganesin senelamnaʾ anasa, nadyaʾ neyung nak wanaʾ nauba ulunel.

YOHANES 2:19

Dara, Yesus adya sikenek, ”Wera ugunda ban e nera goluwoka sokok beiblulum. Dara, nadya liga winilyok saaboka sobnamna bar,” hyok.

RASUL 2:24

Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.