MATIUS 27:63 - PERJANJIAN BARU NALCA YUBA

⁶³ lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

MATIUS 27:63 Խաչաձեւ Հղումներ

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 17:23

Alda oboka dibnemak bok, winilinya sum era, onsok embengaʾ suboka buknamla,” hyok. Danyek alja yuba doro diriga ban nang era, ganya suguwoka, engenaʾ ganya beibsuk.

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 26:61

Wera nim danadya, ”Ban benera leleladya, Nara Imik Neyung e ara golowoka beiyiboka, onsok li winilya ok sobnamna, alalanya bera an,” wenyherek.

MATIUS 27:64

Anya, alja yuba doro diriga ban nang edya dobijekanya, sondaʾ anasa wera seleb embengaʾ suboka bukiyiwal hijek aboka, nimi yok nang ek lika winilya websiniwanalum aboka oruganesilim. Dara, youmaʾ sondaʾ lelemoknya nera, dolbalek so bok, eimik sondaʾ lebnesaknya nek dara, hyak okna deisilyek anasa,” aboka lebek.

MATIUS 28:6

Alda ugunuk youmaʾ wenyasuk sok seleb embengaʾ suboka bukumlakanya, anyagan unggulumla. Wera al diyimong oulyang era, an ekla dema mamlaʾ anyek kendululum.

MARKUS 10:34

Dara nimi dibaʾ me nek nauba derewoka waboka, gamalaʾ solobgouluwoka, lobaʾ nenewoka saboka obnemak. Bok li winilya seleb mablya dara, alda embengaʾ suboka buknamla,” hyok.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 18:31

Yesus ara alja yuba doro diriga ban nang ek sikbeyokaʾ ak mamagiyiwoka lebsukaʾ ara, ”Ugunda pe keblulum! Nunda wenera Yerusalem heikek balamab. Dara, Yerusalem heikek ab dara, ununumnaʾ lelemek nang edya nimi dibaʾ me nemba leboka momnya dorobaʾ nidyaʾ ara, gigiwoka unuwanamla.

LUKAS 18:33

lika winilinya sum era, alda embengaʾ suboka buknamla,” hyok.

LUKAS 23:2

Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.

LUKAS 9:22

Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

YOHANES 2:19

Dara, Yesus adya sikenek, ”Wera ugunda ban e nera goluwoka sokok beiblulum. Dara, nadya liga winilyok saaboka sobnamna bar,” hyok.

YOHANES 7:12

Dara, ban perob sum enyek, Yesus amba o lomok yuba nauba saro yabalameekanya, hnon nim edya dara, ”Alda perobnya,” alamek. Bok onoʾ hnon nim edya dara, ”Orok, alda nimi malya nenewoka sondaʾ amba bobnenewoka lelesilnya,” alamek.

YOHANES 7:47

Dara, Parisi nang edya pikek welemek nang ek ara, ”Dara, ugumbabya hnon aladya gliboka bo balasil de?

2 KORINTUS 6:8

Nuk hnon gigilisak salek era, onoʾ hnon derewoka walasak. Hnonda pe wenggulumak alasakjok, onoʾ hnon pe welemak alasak. Sondaʾ hwam nanga hnon senelesakjok, onoʾ hnon dib unulumak senelesak.