MATIUS 25:35 - PERJANJIAN BARU NALCA YUBA

³⁵ Nara gwaneng ok unyok dara, ugunja denaʾ elegenulum. Nara mek ok ubnyok sum era, mek elegenulum. Nara sekel yangganya ulumsa sum era, ugunja perobaʾ leboka nak ugunja ek sam doro diyinulum.

MATIUS 25:35 Խաչաձեւ Հղումներ

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

ROMA 12:20

Bok anja isaʾanya bera gwaneng ok ubnamla dara, gwaneng ak elegalom; alda mek ok ubnamla dara, mek ak elegalom. Ban unuwomun adya, uk dok ara alja hukuk beillililum.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

PILEMON 1:7

Hem Pilemon o, anja nidyaʾ yok Imik Neyung mab ek wanaʾ ulusilimaʾ adya, wera nadya ganya heklenelekanya, naba anaso unuweisinya ganya nauba bolomna! Munaʾ Imik Neyung mabo nidyaʾ anja nong unaʾ enesa leboka, hyak nidyaʾ anak ara, ei-ei ganya bolonjak.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

EPESUS 4:28

Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

ROMA 16:23

Nak hnon, yuba donaʾ nim ak hnon, aralesilnya Gayus bedya, ugunuk perob aboka gibisil. Moksoko amba rupiah beillililanya, Erastus bedya hnon, nunja hembe, Kwartus bedya hnon, ugunuk perob aboka gibisirik.

RASUL 16:15

Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 11:29

nimi nidyaʾ Yesus yuba doro diriga ban nang edya yuba saboka, numba bolomabaʾ sunuwoka, nunja hemyabo Yudea sokok ulumak Imik Neyung mab enesa, elek arawanamab aboka yuba samek.

RASUL 10:31

Dara, benedya nak lebnyok ara, wei Kornelius o, Imik Neyung adya anja molonaʾ ara kebgelekanya, wera anja yok nang ak eleklelam ara perob senewoka beklenggel.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

YOHANES 13:29

Yudas bera, sikja rupiah beilinanya ulumokaʾ anasa, hnon nang edya dara, Yesus adya sik delemekaʾ amba denaʾ hnon dekel bilom aboka orugamla gom, bonaʾ orok nim ek rupiah hnon elegel bilom aboka orugamla gom, senemek.

LUKAS 11:41

Ugunjaʾ lomok sam ululanya nenyek, bonaʾ garan nim ek elegosululum. Ban unuwomunaʾ adya, wera ugunsamba yokaʾ-yokaʾ nidyaʾ geisa danasil.

MARKUS 14:7

Bonaʾ garan uboka araweisiseng senen nim era, ugun gangganek sam sobaʾ ulumak. Anasa ugunda arawanob senewanesom dara, sikenek arawanasusum. Bok nak dara, ugunub sobaʾ neikaʾ unggulumnemab.

MATIUS 26:11

Nimi bonaʾ garan nim era ugun gangganek ara sobaʾ ulumnamak bok, nak dara, ugunub sobaʾ neikaʾ goʾ ulwenenggulumnemab.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”