MATIUS 25:1 - PERJANJIAN BARU NALCA YUBA

¹ ”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

MATIUS 25:1 Խաչաձեւ Հղումներ

WAHYU 19:7

Domba me gela don sum era, seleb oka dalakanya, alja dobnamla gel gera seleb meebgogowalaʾ anasa, wera nunda nidyaʾ ara eiya ganya boboka, eiya hlaboka glolomnemabakanya, alja si imik nenelemnemab!

WAHYU 21:9

Wera onoʾ, ban sekbadya nimi somoknaʾ damoka sala ulumek sekbadya lero nang enyek, ben hnonja nak yeiniboka lebokja, ”Imik Neyung bedya me nedya gela dobnamlaʾ anyek aawanenggenaʾ anasa, anyagan kemel yalom,” henyok.

WAHYU 21:2

Dara onoʾ wenyok geisa Yerusalem heik era, nera hyak wenyok nong Yerusalem enyek, Imik Neyung adyaʾ ak imik heikek abaʾ ara yanggalamokaʾ ak eibsa. Ban Yerusalem heik era, gel ak nenya anam dobnamna salek ek gweidyaʾ sulumla sokaʾ ak yanggok.

YOHANES 3:29

Dobnamna gel gera, dobnenanya bek aljinya ulumla. Dobnenanya aljaʾ hem bera, sikda dobdanaraakanya, doblanya bedya yuba hnon kelemla dara, eiya dablamla. Anasonya neikik, wera nababya hyak nauba eiya dablenel.

MATIUS 13:24

Wera onoʾ Yesus adya yok sununaʾ hnon nimi nauba longol yeilimek nim ek nekoka lebsukaʾ ara, ”Imik Neyung adya wenelemnesilaʾ ara, hogung ara banaso ulumlaʾ ara, nimi ben hnon alja wak sam perob yinaʾ yamamok.

WAHYU 14:4

Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

MATIUS 22:2

”Imik Neyung adya wenelemnesil salek era, hogung ara banaso ak ubnamla, Mok soko dubnya alja me gela dobnamla bar aboka masa youmok.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

1 KORINTUS 11:2

Ugunda nak sobaʾ beklenulumukanya, nadya neklesin yub ek pe sunuwoka unululumaʾ anasa, nara ugunuk perob aboka gigilesin.

MATIUS 20:1

”Imik Neyung adya wenelemnesilaʾ ara, hogung ara banasoʾ ak ubnamla: Nim anggur dok wa damnya ben hnon, alja wak sam webnenyak aboka, lugunaʾ nong enyek goboka el yibilemok.

MATIUS 13:47

”Imik Neyung adya wenelemnesilaʾ ak dara, hogung ara, mek gwanek sam hadyaʾ oumaʾ akleng bobogoka yok-yok hadyaʾ nidyaʾ dolomak sok ulumla.

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

WAHYU 4:5

Dara ban ekla bunaʾ ak ab danyek, ebnaʾ lengem-lengem aboka, onoʾ irr aboka, anya liminga yuba dalagoka, gururu aro yabok. Wera an ekla bunaʾ saram enyek ara, wesaʾ sekbadya ak uk bokaʾ singilimok. Wera nera, Imik Neyung sekbadyaʾ ganya era an.

2 KORINTUS 11:2

Neyung genong adya, nimi salawanggom gelma ara, nengma era hnonok ok eleklemak sok, nara ugunuk doboka Kristus ak lesisa. Anasa, nara ugunuk Imik Neyung perob senelamla hman ganya bolosin.

MATIUS 9:15

Anasa Yesus adya sikenek, ”Ugunja dara, hekaʾ senelum do? Nimi ben hnon gela dosonya benyek, or anam ulusobok dara, nimi masa delemnemab aboka yeiliseng nim era solom ganya bobneseng de? Hyak unuwanggunuseng! Bok gela dobnelanya bera sik gangganek loboka bo binimla sum ok, wera sikda Imik Neyung amba gwanenga lobnemak.

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

RASUL 20:8

Dara, nu yuba longowoka leldalamoub e nera, e denebaʾ imik moruwoka somek adya, nunda imik sam longomoub ak sam ara dilinaʾ uk ara nauba yeb ganagamek.

MATIUS 13:31

Wera onoʾ Yesus sununaʾ hnon nimi nauba longomek nim ek sunuwoka lebsukaʾ ara, ”Imik Neyung adya wenelemnesilaʾ ara, hogung ara ban anaso ak ulumla: Ben hnon ara geibya yinaʾ doboka, aljaʾ wak sam doka dokol bilimok.

MATIUS 25:7

Wenyan yuba keboka, gelewa dara, sikja wesaʾ beiyimekaʾ ara diniwek.

YOHANES 18:3

Dara, Yudas bera orowek ella ulumok bok adya, Yahudi yuba wa gakaʾ dub nang eb, Parisi nang eb dadya, orugusik Imik Neyung e diri ulumek nang eb, Romawi yin bonaʾ nang eb dara, yin ab, wesaʾ ab, doluknaʾ gamaʾ ab, boboka Yudas be we mengelemok pik yeilimek.

WAHYU 8:10

Dara winilinya lero era, alja benggonga lel yabok enyek, senenggom guraʾ hnon sokok sam uk wesaʾ anasoʾ anyek yinggyuk enyek, meka nidyaʾ, mek lu ab, naubaʾ anyek winilya geboka, darasam hnonda uka momnyanga wolubok.